洗腦天后吳若希究竟唱過幾多首劇集主題曲？

一首好嘅主題曲對劇集嚟講真係好重要，除咗令劇集喺播出時得到更多關注同埋令觀眾更容易投入劇情之外，喺劇集播映完畢之後觀眾亦自然會回想起劇集嘅內容。

近年星夢娛樂同無綫關係好就係人都知，所以唔少星夢旗下歌手都有唱主題曲嘅機會，當中吳若希（Jinny）同胡鴻鈞更加係以跑贏大市姿態成為最多產嘅歌手。Jinny喺10年出道，好多新劇主題曲都由她主唱，當中大家最熟悉一定係洗腦神曲《越難越愛》（《使徒行者》片尾曲）及《眼淚的秘密》（《武則天》片尾曲）。當年一首《越難越愛》令Jinny爆紅而成功上位，更憑呢首歌橫掃各大頒獎典禮獎項，穩固星夢一姐地位。短短4年間Jinny已經推岀14首電視主題曲，認真犀利呀！

2014：
1. 《愛情來的時候：新加坡》主題曲 － 休止符
2. 《守業者》插曲 － 想起你
3. 《愛我請留言》主題曲 － 愛我請留言
4. 《使徒行者》片尾曲 － 越難越愛

2015：
1. 《衝線》主題曲 － 美好的時光
2. 《武則天》片尾曲 － 眼淚的秘密
3. 《實習天使》主題曲 － 我們都受傷

2016：
1.《愛·回家之八時入席》主題曲 －《完美的生活》
2.《琅琊榜》片尾曲 －《可以背負更多》
3.《完美叛侶》主題曲 －《最後一次分手》
4.《為食神探》主題曲 －《誘心人》
5.《愛情來的時候2》德國篇主題曲 －《愛》

2017：
1. 《那年花開月正圓》主題曲 － 你在我心間
2. 《降魔的》插曲 － 泣血薔薇

不過早排Jinny因結婚生囡停工，令師妹菊梓喬（Hana）被星夢力捧、接替佢唱劇集歌。今年三首劇集歌曲《一輩子守候》、《手中沙》及《忘記我自己》，人氣急升，大有機會威脅Jinny一姐地位。

喺上個月正式同男朋友Alex簽字結婚，早排產後修身成功就開始復出再戰樂壇，推出《那年花開月正圓》香港版主題曲同埋《降魔的》插曲《泣血薔薇》谷一谷人氣，誓要鞏固返一姐嘅地位。