洪卓立唔急脫單 泳兒被催婚有壓力

東方日報
·1 分鐘文章
艾妮(左起)、曾樂彤、泳兒、洪卓立、吳浩康與李靖筠約埋食餐飽,寓意過肥年。
艾妮(左起)、曾樂彤、泳兒、洪卓立、吳浩康與李靖筠約埋食餐飽,寓意過肥年。

英皇歌手泳兒、吳浩康(Deep)及洪卓立(Ken),率領師妹曾樂彤、李靖筠及艾妮,趁新年一齊聚首食飯!回顧2020年,他們均指是特別的一年,其中Ken坦言有開心亦有難過,開心是有機會演戲,難過的是愛犬離世,父母亦跟他分隔兩地,加上舊愛湯怡結婚,令他倍感寂寞,Ken說:「我諗有超過1年冇見阿媽,阿爸就因為有啲嘢要返香港搞,所以有返過嚟,今年最希望係可以見到父母先。」問到新年展望是否想盡快「脫單」?他表示目前想專注工作,同樣單身的Deep亦表示沒想過拍拖,會專心發展事業。

泳兒希望今年跟同門師兄弟妹多合作,最想疫情過後一齊去旅行,眾人即舉腳贊成,笑言去長洲或澳門都好!講到拜年時難免被親戚催婚,她笑言:「其實唔只新年,依家係無時無刻都有少少壓力,但順其自然啦,我同男友感情穩定,又唔係急住要做呢樣嘢。」至於曾樂彤及李靖筠就希望多些工作,賺更多錢。艾妮自覺去年作為新人,在疫情下仍可出碟感幸運。