洪卓立順德高處墮下一度昏迷危殆 已出院回港休養

洪卓立順德高處墮下一度昏迷危殆 已出院回港休養
洪卓立順德高處墮下一度昏迷危殆 已出院回港休養

曾經因為爆肺而入院嘅洪卓立(Ken)又出事!有傳媒報導,早前Ken返內地順德拍劇,期間突然抽搐暈倒,之後仲由高處墮下昏迷,超過10分鐘冇晒知覺,甚至形容佢「口吐白沬」。工作人員隨即將Ken送到醫院急救,報導仲話佢情況一度危殆,好在之後已經有好轉。

洪卓立經理人霍汶希回應傳媒查詢,證實Ken當時有昏迷、缺氧兼嘔吐,事發後救護車已經迅速送佢入院,抵達醫院前已經醒返。Mani又話Ken返咗香港休息,並且做多次檢查,暫時所知頭部冇問題,不過墮下時左邊膊頭落地,而家唔可以舉起左手。

洪卓立順德高處墮下一度昏迷危殆 已出院回港休養
洪卓立順德高處墮下一度昏迷危殆 已出院回港休養

Ken亦都有錄音回應傳媒,佢解釋由於新戲演奸角,為咗Keep住狀態所以控制食量,加上天氣熱戲服又厚兼有燈光照住,可能因為咁身體唔舒服。Ken又感謝大家關心,相信無大礙,之後會拍埋套戲,又話發現身邊好多愛,導演仲過夜陪佢。

2009年,本來要去台灣拍偶像劇嘅洪卓立,因為爆肺兼肺積水而入院,當時又係話佢情況危殆。點知傳吓傳吓變成死訊,多年來成日有人惡搞「立立死訊」,就連洪卓立自己都抽自己水,將自己首《彌敦道》改詞做《陰陽路》。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!