洪欣近照被指崩壞！驚現虎背熊腰、面腫 曾被老公出軌對待

洪欣曾經係一眾少男女神，近年主力喺內地發展，早前被指外形不復當年，更似是發福，不過都有網民坦言欣賞洪欣勇敢展露「真面目」。

日前，51歲嘅洪欣與57歲嘅劉錫明直播，網民直指洪欣塊面又圓又腫；另外出席商場活動翻唱周慧敏《最愛》及鄧麗君《我只在乎你》就被批評唔夠氣又走音，兼且有網民指貼身裙打扮令洪欣顯得更虎背熊腰，留言表示與平日社交平台所放嘅靚相有好大差異，差啲就唔認得洪欣：「原來女神都會發福」、「怎麼感覺只能遠看不能近看」、「肥了好多」、「年輕時好有氣質，現在老了」等等；但有網民就對洪欣無用濾鏡表示支持，大讚佢敢於展現真性情，而其實洪欣勇於做自己嘅性格早於早年被爆婚變一事中展現出來。

洪欣2000年與前度莫少聰分手後獨力撫養兒子張鎬濂，其後遇到張丹峰並於2009年邁入婚姻，不過2018年張丹峰屢次傳出與經理人畢瀅撻著，亦被斷正深夜酒店房間密會，對於婚變傳言，張丹峰曾發聲明否認出軌，畢瀅就辭去經理人一職，而洪欣一直沉默面對，只因財政大權全落喺自己手中，手上持有四個以個人名義持有嘅物業，當中2016 年以4,700萬買入嘅禮頓山豪宅連車位現已升至 7,500 萬；有指洪欣同時關水喉，迫使張丹峰與畢瀅攤牌分手，其後洪欣與張丹峰和好如初，不時孖住出遊。

至於，洪欣兒子張鎬濂以男團「新風暴」形式出道。對於兒子做藝人一事，洪欣起初唔支持，後來認為最重要係健康快樂，唔應該逼兒子做啲唔鍾意嘅事，故此開始支持兒子。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！