洪永城演驅魔人驚陰陽眼解封

洪永城預計會到靈堂、墳場等陰森地方拍攝。
洪永城預計會到靈堂、墳場等陰森地方拍攝。

無綫最近「風起雲湧」,不少網民推測黃翠如及洪永城等「有線幫」失勢!然而據知有關方面知人善任,洪永城將以男主角身份演出驚悚新劇,自言大膽的他坦言擔心「踩界」演出,隨時令自己的陰陽眼再次開通!

洪永城(Tony)於剛播完的《陀槍師姐2021》演大奸角,引起熱話,近日他再接任務,將夥拍組合農夫及傅嘉莉等,演出懸疑驚悚新劇《凶宅清潔師》。飾演驅魔人的他,預計要到靈堂等拍攝。問到如何演繹驅魔人?他笑言:「我本身有返道堂,但其他嘢真係唔識,可能要去跟人學吓啲招式(驅邪)囉。」

做儀式「封眼」

他自爆小時候有陰陽眼,經常與靈界緊密接觸:「成日睇到有白光同黑影,所以就同媽咪講,佢帶我去佛堂做咗啲儀式,封咗對眼,之後就再睇唔到喇。(拍劇開番對眼點算?)都驚o架,不過冇辦法,開咗咪再封囉,哈哈!(你本身大膽?)係,好似我依家知道個故事大綱,有時會同同事分享,點知嚇到佢哋大嗌,叫我唔好再講!但係我自己愈講愈開心。」其實無綫以往拍過不少靈異題材的劇集,例如《大鬧廣昌隆》大收旺場,故台前幕後對《凶》劇信心十足,Tony說:「詳情就容後公布啦。」

另外,談到《陀》劇播映期間與女友齊齊追劇,曾揚言有望今年拉埋天窗的Tony口快快說:「我哋一家人……即係同佢父母一齊睇囉,佢哋都話我係斯文敗類。」2人關係不言而喻。

由於自小已接觸靈體,洪永城自認大膽過人。
由於自小已接觸靈體,洪永城自認大膽過人。