活在記憶中 陳庭欣靠鸚鵡入戲 哭訴死亡之謎

·2 分鐘文章
陳庭欣努力演好每個角色,即使戲份少亦絕不Hea演。
陳庭欣努力演好每個角色,即使戲份少亦絕不Hea演。

前港姐冠軍陳庭欣在新劇表現突出,演關鍵角色的她有多場喊戲。雖然演戲經驗較少,但她靠着回想寵物去世入戲,重提時亦感觸哽咽。

藝人陳庭欣(Toby)在台慶劇《換命真相》飾演神秘關鍵角色「朱筱筱」,她的死亡關乎整個劇情發展。Toby笑言角色在劇中從未生存,只活在各人回憶中,而且喊戲多,對她而言是個大挑戰:「睇劇本好難睇、好散,唔知點樣拿捏番同每位嘅感情。呢個角色好重要,大家幫我搵番真兇同真相,亦解釋晒成個故事。」她指最難忘的一幕是要自己拍片對着鏡頭剖白:「要講畀大家聽點解我會死同收埋咩秘密,講番我哋4個女仔咁Friend,好希望佢哋唔好再嗌交,嗰場戲喊得好緊要。」

捱鬧最開心

平日性格開朗的她今次要拍大量喊戲,原來全靠回憶心愛的寵物鸚鵡過世來入戲,此時愈講愈眼紅紅,哽咽說:「其實人愈成長,無論工作、私人定感情都多咗唔同體驗,如果10年前拍嗰場喊戲,我一定好耐都喊唔到,但今次就搵到方法。嗰刻諗番第2隻鸚鵡Warawara突然走咗,就算依家諗起都想喊,同埋之前Shabushabu飛走咗幾日,後尾搵得番,我就諗番當初搵佢時嘅感覺,諗到呢啲我就瘋狂喊!」

Toby一直以做主持為主,拍劇經驗相對較少,但她表示很享受拍劇:「每次拍劇無論角色或戲份多與少,我都好珍惜同享受每次拍攝過程。」提到之前的劇集雖然戲份不多、角色不討好,但常獲讚發揮得好,她笑言印象最深是參演《多功能老婆》:「個角色唔討好,個個話憎我,但我覺得好開心。監製解釋個角色,叫我話唔好有包袱,最緊要做好角色,唔好有其他雜念。其實無論做演員定主持,做幕前唔好有私人事帶返工,工作以外我會攞平衡,例如陪小動物、做運動,呢個係入行11年自己建立嘅模式。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能