派拉蒙落實80億美元賣盤予Skydance 拉鋸多月終成事︳電影LOL

美國影視界周日晚傳來重磅消息!擁有片商派拉蒙美國CBS電視台及Nickelodeon、MTV及Comedy Central等影視平台嘅Redstone家族,終於落實同意將股權賣俾製作商Skydance及另一財團。交易仍有待監管機構批准,一旦成事將於明年上半年完成。根據Deadline報導,呢單deal Skydance出價80億美元。Skydance負責人David Ellison將會入主成為派拉蒙環球嘅主席及CEO,而去年因與女下屬有不當關係嘅NBCUniversal前主管Jeff Shell就會成為公司主席。

現時管理派拉蒙集團嘅Shari Redstone
現時管理派拉蒙集團嘅Shari Redstone

Redstone家族名下嘅National Amusement本來只係一間地區戲院連鎖,後來創辦人Summer Redstone買入美國三大媒體Viacom、派拉蒙同CBS之後成為傳媒巨人,National Amusement雖然只擁有百分之10股權,但係就佔整體股東投票權嘅8成份額。Summer Redstone 2020年去世之後,公司由女兒Shari領導。Skydance 同Redstone家族由去年底開始討論收購派拉蒙集團,但多次都傾唔成,上個月Redstone家族就喺限期前半日宣布未能取得共識,甚至傳出有其他潛在買家中途截糊。

《職業特工隊︰死亡清算上集》
《職業特工隊︰死亡清算上集》

成立只有15年嘅Skydance,過去曾經同派拉蒙電影多套作品如《職業特工隊》系列合資出品,結果最終成為派拉蒙新老細。暫時未知收購後有咩改動,但據報導Skydance接手後會優先解決職位流失同減少支出2大項目。日後派拉蒙有咩電影製作及經營方向改動,相信都要等多兩三年先見到。

更多電影文章

海關戰線/意外/公開試當真/敢愛咁做/𝗗𝗼𝗹𝗽𝗵𝗶𝗻 躍動人生︳電影LOL 今期睇咩戲

《野孩子》內地電影公布映期後半日撤檔 真正原因眾說紛紜︳電影LOL

《九龍城寨之圍城》逆市破1.1億票房封王 香港戲院上半年票房收入再跌17%︳電影LOL

紙盒藏屍案電影開拍中 Edan呂爵安傳演歐陽炳強?︳電影LOL

曉格蘭特演變態佬 新片Heretic設局禁錮傳教少女︳電影LOL

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!