流產兩次44歲終做媽媽 利嘉兒(上):努力八年過程像坐過山車!

蘋果動新聞

從笑談普通話,到華麗轉身成為時尚潮人,利嘉兒今年中秋再歡天喜地迎來人生新一章:誕下女兒Karyssa終於成為媽媽。44歲才生下第一胎,珊珊來遲的美滿背後,利嘉兒說結婚八年以來屢試屢敗、經歷過的傷痛不能言喻:「其實一結婚就想懷孕,但係子宮生瘤做手術再休養用咗兩年,前後又兩次流產,兩公婆心情好似坐過山車,全靠互相安慰扶持度過難關,真係諗住就咁放棄,以為呢啲就係命!」

有一種痛 只有失去過才懂
今年中秋前夕,利嘉兒在社交網絡開心公布女兒Karyssa出世了!44歲才懷孕生女,自然比別的媽媽更多擔憂更要冒險,問到Lily哪來的勇氣,她解釋一切本來不是計劃之中:「結婚初期發現有子宮肌瘤,一年內已經長大5cm,為咗自己身體又為咗第時懷孕安全,都係決定做手術切咗佢。休養兩年成功懷孕,點知兩個月後發現停止生長……真係呢頭開心完嗰頭已經要承受咁大打擊,心情好似坐過山車一樣,好難受、好難捱。好不容易經過第一次,事隔兩三個月又發現懷孕。第一次我一直都怕係自己唔夠小心、做得唔夠,冇咗BB係自己嘅錯,所以第二次萬事小心,真係重嘢唔敢拎、街又唔敢出,人哋話做得啲乜、唔做啲乜,我樣樣都跟到足,結果又係只陀咗兩個月……第一次好傷,第二次再經歷,我同老公都比我哋想像中容易接受咗,再加上宗教信仰,喺呢個時候,唯有相信一切自有個天安排,可能自己真係唔適合做媽咪呢?」

image1
image1
image2
image2
image3
image3

來之不易 所以更要平常心
經歷過兩次流產,利嘉兒說今年初發現再懷孕倒真的做到平常心,一切順其自然不用強求:「呢個年紀有BB,身邊人說話真係聽唔少。有啲話我冇咗兩次肯定係自己問題,有啲又話咁難得有咗,唔係仲染髮gel甲啩…….八年來我經歷過啲乜,旁人真係所知無幾,唔輪到別人說三道四。當然好朋友、老人家,我會解釋俾佢哋聽,希望家人少操心,外人說話我就真係少理,今次懷孕絕對係萬大事大不過保持自己心情開朗放鬆。雖然係高齡孕婦,我都唔會過度緊張,樣樣嘢聽醫生講,做啲咩前又會問清楚醫生意見先。營養嘢同補充品,醫生開幾多我就食幾多,唔會過份吸收;扮靚染髮同gel甲,就問晒醫生做晒research,揀真正有機無害,對孕婦同小朋友都安全嘅;大肚時特別恨飲汽水果汁,醫生都同我講,除咗生嘢同街外冰塊怕有菌之外,飲凍嘢其實好小事,孕婦心情最重要。講真,可以做嘅嘢,我頭兩次都做齊,都係為個胎好。今次反而係第一次凡事從自己角度出發,任何結果都好,平常心,交俾個天!」

image4
image4
image5
image5

預告:44歲生第一胎,利嘉兒也承認再生的機會很渺茫。經歷過這許多才生下Karyssa,萬千寵愛集一身是必然的,她說和另一半總互相提點,女兒要教,千萬不能過度嬌縱。

其他內容