流產被連登仔攻擊 林芊妤澄清非接種疫苗後流產當事人

林芊妤

早前林芊妤(Coffee)喺IG透露於3月23日接種第一劑復必泰疫苗,隔咗幾日又宣佈自己流產,令唔少網民聯想到佢流產係同早前接種新冠疫苗有關。噚日衞生署證實有兩名孕婦接種新冠疫苗後流產,搞到好多人同記者致電俾給Coffee,問佢係咪報導中打疫苗流產嘅女士,亦有人係連登討論區攻擊佢。正正因為咁Coffee忍唔住再次發文澄清,文中提到佢係屬於唔夠12週的早期流產,佢打疫苗時係唔知自己有咗,亦因為佢要經常外出工作接觸唔同嘅人,為咗保護個仔先去接種。當佢發現自己懷孕時亦開始流產,佢有諗過好多原因,包括疫苗、胚胎不健康、工作壓力及長期休息不足等等。同時佢亦不停怪責自己,不過後來佢諗通咗唔再深究、選擇好好休養心情後再接再厲。點知記者又打俾佢問, 亦有人將連登批評佢嘅內容發俾佢睇,好彩有人攻擊,亦有人雪中送炭,令佢變得更堅強。

Coffee發文後,唔少網民留言支持,例如「呢d言論直頭唔使睇,希望你身邊嘅人都唔好再send比你睇,同理心唔係人人有,流產係咩原因都好都無必要同其他人交代,加油」、「養好身體,放鬆心情,BB會係你意想不到嘅時候再來」、「無論點都好,好好休息,養好身子再準備懷孕 唔好太介懷口賤既人,佢地無品佢地既事,但你要做自己 U r the role model of woman!」、「好欣賞你有勇氣將流產既事講出黎,發放正能量懶理比d無聊人大造文章,睇都最後有人寫粗口幫你平反,好大快人心」及「調理好身體才重要,不好想太多,自己要愛惜自己。Support」。

林芊妤coffee
林芊妤coffee
林芊妤coffee
林芊妤coffee
林芊妤coffee
林芊妤coffee
林芊妤coffee
林芊妤coffee
林芊妤Coffee
林芊妤Coffee
林芊妤Coffee
林芊妤Coffee
林芊妤Coffee
林芊妤Coffee

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!