海俊傑眾籌70萬為太太換肝 陳曉東親證曾探望

【on.cc東網專訊】藝人海俊傑昨晚（8日）突然在社交網拍片，聲淚俱下指太太患上「急性肝硬化」，要籌集150萬的手術費，如今仍然爭70萬元，令全城關注。

海俊傑透露太太的病情非常危急，醫生告知這兩天是進行肝臟移植的關鍵時刻。夫妻早前已在香港的瑪麗醫院留醫長達20天，隨後才被緊急轉介到廣州的中山醫院接受治療。他指已從朋友身上籌得70萬，但距離目標金額仍有巨大缺口。海俊傑今日（9日）接受訪問時，表示：「5日前嚟咗醫院，依家太太入咗ICU已經第3日，每日要3萬幾人民幣，呢到醫生已經好好，話個肝已經有，呢一兩日就可以換。」望大眾伸出援手！及後，海俊傑再度受訪時，提到太太的最新狀況，他表示：「仍然係努力緊嘅。」並多謝各位集氣祝福。

另外，二人好友陳曉東亦承認海俊傑太太患病中，自己亦曾探望過對方一次，帶埋花及慰問金，若對方情況適合做手術，佢亦會再作金錢上幫助：「非常擔心心痛，一直與他們家人保持聯繫，最近有到廣州探訪，詳細和其他不多說了 ，謝謝給予空間。」

藝人關嘉敏（Carman）和海俊傑（海仔）同屬一間經理人公司，對於海俊傑急眾籌為太太治病，Carman表示：「其實我係知阿嫂病咗，但我冇諗過咁嚴重，我每次見到佢都有問候阿嫂，嗰次同海俊傑去南沙拍劇時，佢都話幾好，冇特別透露，直至之前出席無綫個活動時，佢先同我講阿嫂身體麻麻哋，我見到海俊傑條片都有啲心噏嘅，希望阿嫂同海哥都可以捱過呢一關啦，我識嘅阿嫂係個好開心同樂觀嘅人。」

【更多影劇新聞詳情請上東網新聞】