雅虎香港新聞 【深水埗美食】$34越南牛肉河小店！逾20磅牛骨熬湯底 必食牛肉扎肉
經濟不景，食咩都慳住慳住，以為去平民美食天堂深水埗會相宜一點？一碗車仔麵，連凍飲品最少都要$50埋單。最近一間越菜小店落戶飲食戰圈福榮街，看看menu，最平$34就食到一碗越南牛肉湯河，如此價錢，伏，還是不伏？
【立即讚好】全新 Yahoo Food Facebook 專頁
親民價牛肉河
小店「越萊」的餐紙，和傳統越南菜館有點不一樣，反而像港式車仔麵，以剔紙仔形式，先選湯底，再選麵類，最後揀餸。望望價錢，再嚇一跳，單拼粉麵，只是$34/碗(單餸)，全日同價，明顯比同街食肆平。問過店主陳先生，他自言幾位店主都愛吃越南菜，有感近年牛肉河在港成行成市，有名氣的食店，一碗牛肉河可以索價近百：「當然坊間會標榜用靚牛肉，但我地想更多人都享受到，開店時已經決定不會標價太高。」
逾20磅牛骨熬成清湯
牛肉河做得平，湯底卻交到功課，見廚房內有一中size大鐵煲，湯面浮著幾條原條白蘿蔔，拿湯勺攪一攪，裡面全是手掌大小的牛骨，「湯底每日用20磅牛骨，熬10小時而成，上碗前會做些步驟減輕油份，出來的湯會更少膩，突出清甜。」大廚Terence專攻越南菜，曾於大型連鎖集團擔任副總廚，資歷不淺。
斑蘭葉配牛肉扎肉
牛肉河上枱，湯底清而不濁，入口雖不至十分濃但嗒落帶甜，牛肉粉嫩不會過韌，河粉索了湯汁頗入味，總括而言，以這價格，絕對值得一試。如果不夠喉想多揀一樣餸，推介「牛肉扎肉」，大廚解說「坊間大部份札肉都是豬肉扎肉，但其實越南也有一款用牛肉腸衣做的牛肉扎肉，以一塊斑蘭葉包裹，增添斑蘭清香。」牛肉河以外，單餸凍撈檬也是$36/碗，可以吃到招牌的香茅豬扒、豬頸肉、蝦餅等。在這時勢，吃得飽飽又錫住荷包。
今晚食乜好？即睇最強雞翼食譜、牛油果食譜合集
食乜養生好？二十四節氣：中醫教路/湯水進補/穴位養生
想知最新飲食資訊？按此觀看Yahoo Food編輯推介
自助餐推介！睇盡各種自助餐優惠/回本攻略
越萊
地址：深水埗福榮街124號地舖(地圖按此)
電話：98478815
更多深水埗美食推介
