深水埗新開民族x旅遊主題餐廳 特色土耳其早餐+異國風菜式

·4 分鐘文章

好想去旅行?深水埗呢間新店就可以畀大家體驗坐喺中亞常見嘅Tapchan上面,嘆傳統土耳其早餐!皆因小店由四位鍾意旅行嘅Backpackers開設,不約而同都特別鍾意民族色彩豐富嘅國家,所以開店嘅時候就將當地嘅美食同裝飾帶過嚟香港。

店主Sonya自言好鍾意去旅行,特別係土耳其,疫情前一年至少要去一次!
店主Sonya自言好鍾意去旅行,特別係土耳其,疫情前一年至少要去一次!

Lonely Paisley位於深水埗福華街,係一間以民族同旅遊為主題嘅多國菜餐廳。店名Paisley指腰果花,係民族風常見元素。而Lonely Paisley簡寫LP,亦係向Backpackers必有嘅《Lonely Planet》致敬。

土耳其早餐·附土耳其茶
土耳其早餐·附土耳其茶

土耳其早餐·附土耳其茶($148)

Sonya指正宗嘅土耳其早餐好似去飲茶咁,係用一個個細碟奉上唔同食物,而且唔同地方都會有唔同特色。嚟到香港變為一人版就只保留精髓:土耳其芝麻麵包Simit,配搭三款芝士、土耳其雞肉腸、雞蛋,再加上四款醬料。

四款醬料分別係中東茄子泥(Ghanoush)、Honey & Cream、杏桃果醬同無花果果醬。四款都可以配搭口感煙韌富芝麻香氣嘅Simit麵包,而無花果果醬亦可以加落沙律當醬汁享用。三款芝士建議先食粒狀同絲狀嘅牛奶芝士,最後先食煎過嘅希臘藍芝士,由淡嘅奶香食到最後嘅鹹香。

墨西哥彩虹沙律
墨西哥彩虹沙律

墨西哥彩虹沙律($128)

墨西哥菜色彩繽紛,呢碗彩虹沙律就係其中一個好例子!有墨西哥菜唔少得嘅牛油果同粟米,加上車厘茄、紫椰菜、甜椒等蔬菜,最後加上芝士同牛油果蓉。值得一提嘅係牛油果蓉當中加入香料調味,令清爽嘅沙律食落更豐富更惹味。

印度脆球配海蝦冬陰公
印度脆球配海蝦冬陰公
印度脆球配海蝦冬陰公
印度脆球配海蝦冬陰公

印度脆球配海蝦冬陰公($88/6件)

印度脆球(Pani Puri)係當地嘅街頭小食之一,不過Sonya就將醬汁改良為泰式冬陰公再加上海蝦。食起嚟脆球口感薄脆唔油膩,蝦肉彈牙爽口,建議先加一羮冬陰公醬汁試下,皆因入口會先試到香料味同酸味,辣勁之後先會湧上嚟!非常過癮。

土耳其開心果千層酥
土耳其開心果千層酥

土耳其開心果千層酥($58/2件)

提到土耳其甜品相信大家都會覺得好甜,因此Sonya將原本食譜嘅甜度減半。開心果千層酥同樣係土耳其經典甜點之一,細細件但會食到三重口感:上面嘅千層酥脆,中間開心果係一粒粒果仁咬口,下面嘅酥皮浸過蜜糖所以濕潤偏軟。整體都係以甜味為主,建議同朋友分享,一人一件就啱啱好。

Hong Kong Real Ginger Cacao
Hong Kong Real Ginger Cacao

Hong Kong Real Ginger Cacao($48)

除咗其他國家嘅特色食物,呢度亦有加入本地元素,例如呢杯薑生可可係用好夠薑喺荔枝窩鄉郊種嘅老薑配搭可可,所以飲落亦薑嘅辛辣香氣為主,同時又會飲到可可嘅微甜,學Sonya話好啱女仔飲呀!

Hand Drip Coffee
Hand Drip Coffee

Hand Drip Coffee($68起)

餐廳其中一位店主係咖啡師,呢度無論係意式咖啡定手沖咖啡,用嘅都係自家烘焙嘅咖啡店。推介坊間較為少見嘅印度豆Attikan,厭氧日曬處理加上中淺焙,熱飲會有無花果乾嘅甜度同少少酒香,餘韻帶酸。

Blue Lagoon
Blue Lagoon

Blue Lagoon($58)

呢度亦有供應嚟自世界各地手工啤酒、紅白酒,特色Cocktail同Mocktail,呢杯藍色嘅Mocktail以以冰島藍湖為設計概念,以Lemonade、柚子汁等調配而成。杯邊加上糖霜,所以飲嘅時候糖霜嘅甜味會帶起檸檬同柚子嘅酸味,味道平衡清爽。

壁畫由畫家默麗雅手繪,畫上印度、伊朗等地特色圖案
壁畫由畫家默麗雅手繪,畫上印度、伊朗等地特色圖案
(左)餐廳裡面有三張中亞常見嘅Tapchan,(右)土耳其吊燈
(左)餐廳裡面有三張中亞常見嘅Tapchan,(右)土耳其吊燈
餐廳亦會舉辦唔同活動例如相展等,可留意餐廳Instagram
餐廳亦會舉辦唔同活動例如相展等,可留意餐廳Instagram
Lonely Paisley
Lonely Paisley

Lonely Paisley
地址:深水埗福華街182-186號怡華閣地下A號舖

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能