減肥出事!激瘦黃曉明偶爾心悸恐誘發心臟病

·1 分鐘文章
減肥出事!激瘦黃曉明偶爾心悸恐誘發心臟病
減肥出事!激瘦黃曉明偶爾心悸恐誘發心臟病

大陸影帝黃曉明為英皇電影《戴假髮的人》而減肥及變禿頭阿伯,出名好戲嘅佢不惜為藝術犧牲。近日佢接受大陸媒體採訪時,就發現因為減肥令身體出現問題,留下過多後遺症,腸胃不適應,又會偶爾心悸,佢即急急叫大家唔好倣效佢嘅做法!

為貼合新片角色,黃曉明一直努力減肥,佢就曾自爆導演要求佢減走15KG(約33磅),因為佢用斷食療法去硬減,短時間內要達標,佢坦言自己依家就搞到經常腸胃唔舒服,偶爾仲會有心悸等症狀,更被《戴》導演董越大爆曉明試過連續幾日通宵拍攝後,喺片場大嗌心臟不適,好幾次都虛弱地趴喺道具上面休息,令人心疼。