減20磅都冇用!袁偉豪被馬國明奪走視帝:要睇開啲

·2 分鐘文章
減20磅都冇用!袁偉豪被馬國明奪走視帝:要睇開啲
減20磅都冇用!袁偉豪被馬國明奪走視帝:要睇開啲

馬國明與袁偉豪在將軍澳電視城為台慶劇《使徒行者3》宣傳,兩人皆有份競逐今年台慶獎頒獎禮「視帝」,馬國明表示:「今年好平均,年年都唔會貼自己,今年幾睇好袁偉豪、王浩信,不過唔覺得有邊個係大熱門,睇吓邊個好運啲,每年喺TVB勤力、有實力嘅演員好多,睇吓邊個好運啲。(你今年要冧莊視帝?)唔諗呢啲,畀多啲錢我好過。」他又認為得獎與否,與能夠吸引更多廣告沒有關係,客戶喜歡自然會邀請。

馬國明同袁偉豪今屆都有份角逐視帝。
馬國明同袁偉豪今屆都有份角逐視帝。
袁偉豪娶到張寶兒梗係夠運。
袁偉豪娶到張寶兒梗係夠運。

新婚的袁偉豪被問到可覺得會繼續好運奪得視帝?他笑說:「夠㗎啦,娶到老婆已經好好運。」馬國明則說:「娶到老婆,仲好過攞視帝,結婚係人生大事,搵到伴侶係一世,好過攞獎。(出年娶老婆囉?)我再話畀你聽。」

馬國明話睇好袁偉豪今年拎視帝。
馬國明話睇好袁偉豪今年拎視帝。
袁偉豪最恨上年拎,但畀馬國明搶咗!
袁偉豪最恨上年拎,但畀馬國明搶咗!

問袁偉豪可希望奪視帝?他則說:「我最想攞嗰年都冇機會,就係畀馬國明攞咗,我都明白係要睇運數,付出同個演出係唔成正比,好真心經過上年之後就放開晒。(上年攞唔到視帝好心酸?)梗係心酸啦,減咗20磅,係用生命去演出,但係個角色就唔係好受歡迎,冇辦法,係要睇開啲,人生除咗工作上亦有其他嘢,好似結婚、組織家庭、生小朋,自己衝破咗關口會開心啲,唔會鑽牛角尖。」

馬國明會唔會出年結婚先?
馬國明會唔會出年結婚先?
佢話拎視帝都係靠好彩。
佢話拎視帝都係靠好彩。