港女講日:同性相斥!3種最唔受女性歡迎嘅女生

image

日本ORICON每年都會叫男女網友選出「最想變成的臉(なりたい顔)」,女藝人部門方面,近年喺北川景子連續3屆包辦之下,舊年終於被新冠軍石原聰美打敗,今年冠軍又換人喇,唔駛估都知,第11回選舉no.1就係受萬民愛戴嘅新垣結衣!原來結衣BB係呢個慣例票選嘅第一屆冠軍,睽違10年再次奪冠,至於3甲常客北川景子及石原聰美就屈居第2及第3位。

唔係好多女明星好似結衣BB咁可以男女通殺,男嘅迷戀,女嘅羨慕。你知啦,所謂同性相斥,女人對住女人特別mean,唔想變做「女人公敵」,檢討自己有冇以下呢幾個特質,令女人對你唔順超:

1.太愛撒嬌

只要稍微有啲姿色,再高8度嗲兩句,10個男人9個buy。識得撒嬌嘅女人最聰明,典型收兵女神,可以冧到男人暈陀陀為佢做牛做馬,不過女人就至憎呢類唔識收斂係仔就嗲嘅女人。

2.扮女子漢

經常有意無意表示自己好粗魯好男人,呻自己好難同女仔做朋友,其實非常proud of自己有一大堆「兄弟」,閒時以阿哥阿妹/家姐細佬相稱,又係乞人憎。

3.背後插你一刀

女人天性八卦,最鍾意圍埋講是非,大家一齊「對外」講人壞話先做到姊妹,至怕有啲女人見人講人話,見鬼講鬼話,對住你就講A是非,對住A又爆返你鑊,呢類假面人係絕對唔會受女性歡迎。

圖片來源:ig@aragakiyui_fanspage