港女講日:遊客不會知的日本人 日便利店員力數顧客5宗罪

港女講日

不時有網友大呻從事服務業嘅辛酸事,最近日本twitter瘋傳一篇來自收銀員對客人嘅請求,引起唔少服務業人士共鳴。

網民@oboro_zuki_yo於twitter分享「來自收銀人員嘅5大請求」:

1.畀錢時請攤開紙幣,我哋仲要逐張攤開,浪費後面排隊客人嘅時間。

2.唔該唔好掟錢,當自己去神社添香油錢落賽錢箱嗎?

3.請將卡片放喺錢上方,唔係好難會發現。

4.找錢時唔駛扯,我哋唔會搶你錢。

5.雖然我哋係店員,但同你一樣都係人。

雖然只是簡單幾個要求,但卻意外地被網友瘋傳,好似幫服務業出咗啖氣咁!有網友非常討厭被客人掟錢:「對服務員嘅態度可以睇到一個人嘅修養!唔識尊重人唔識尊重錢希望你窮一世!」

唔好掟錢之外,有網友亦請求客人唔好畀錢時疊高一堆硬幣,「通常呢種客會喺銀仔跌低時光速走人…」

仲有明明店員已經伸手要接錢,但客人都會無視你對手將錢丟於櫃台上,「覺得好侮辱!」

人人都有壓力,唔係店員或sales就有義務受氣,如果個個人都因為自己係消費者而當自己皇帝,你諗吓香港會變成點?建議大家可以體諒店員,學識尊重,適當運用「唔該」兩個字。

圖片來源:https://ra9baito.jp

其他內容