港姐亞軍許子萱常缺席活動 傳不堪娛樂圈壓力要求提早解約

2022年港姐亞軍許子萱（Cecca）參選至今是非不斷，除咗被傳曾與張光怡鬧交及屈居亞軍即場黑面之外，佢最近被指多次缺席TVB公開活動，冇履行港姐嘅義務，網民紛紛留言質疑佢唔盡責。許子萱亦有喺其IG留言反擊：「姊姊這裡不歡迎黑粉，不喜歡的可以滾哦！」

去到今日，有傳媒報道指許子萱想回復自由身，已經向TVB要求提早解除港姐合約，而原因就係抵受唔到娛樂圈嘅壓力。有指TVB唔想2008年港姐冠軍張舒雅嘅歷史重演，要搵其他港姐為新一屆港姐加冕，所以而家好積極咁游說緊許子萱，只係需要為新一屆港姐加冕，而其他活動就可以缺席，不過好想回復自由身嘅許子萱就去意已決。有消息指許子萱要前往內地工作，而TVB亦尊重決定，如果唔係有錢賺嘅活動，都唔會強求佢出席。

每一屆當選嘅港姐都需要喺一年任期內履行港姐嘅責任，應屆港姐冠軍林鈺洧、季軍梁超怡、及友誼小姐邢慧敏都有出席TVB大騷，唯獨許子萱經常缺席，例如《TVB傳承·狂歡55節目博覽2023》及《萬千星輝頒獎典禮》 等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！