港姐冠軍林鈺洧無悔自爆性史:我行得正企得正!

港姐冠軍林鈺洧無悔自爆性史:我行得正企得正!

出爐港姐三甲及友誼小姐今日(26日)現身無綫55周年台慶亮燈儀式,冠軍林鈺洧透露父親林俊賢在她獲獎後已第一時間以短訊恭喜她,對於有指她獲獎後受訪的言論不尊重父親,她解釋:「佢知我講乜,因為係佢教我講。」談到她之前在ViuTV節目《對號入座》中大膽談性史,她表示:「已經過咗去,希望大家集中我當選以及未來一年嘅港姐工作,我以前細個因為工作關係要講,其實個節目係講星座,唔係關於嗰方面。(你畀人話係性女冠軍,會唔會尷尬?)時間沖淡一切,嚟緊我會履行港姐職責。(唔擔心影響港姐形象?)我行得正 企得正,我本身係個正直嘅人,冇做缺德事。(之後慎言?)當然,今次上咗好大一課,冇諗過身為公眾人物,講句說話會Last咁耐。(有冇後悔上呢個節目?)唔後悔,每個節目都訓練到唔同方面。」對於加冕時走光,她稱不知情,可能當刻太開心,所以沒有防備,下次會更謹慎。

另外,許子萱在宣布獲亞軍時被指黑面,她稱可能網民截圖時剛好截到她黑面一刻:「我打算宣布前冇笑容,到布後先笑,咁個笑容會燦爛啲,但老實講我係有少少失望,但唔係所有事都咁完美,呢個係不完美嘅完美,可以認識到咁優秀嘅佳麗同司儀係好精彩經歷。(因為答問環指被指擦鞋所以失分?)我反而覺得自己答得好,曾生(曾志偉)只係同我講笑,我對自己要求高,所以想答得有創意同大膽,我唔覺得係擦鞋,反而顯得我對評判同司儀有了解,事前有做足功課,係好學生表現。」