港姐面試:「母女」參選?騎呢組合孖住行

·2 分鐘文章
港姐面試:「母女」參選?騎呢組合孖住行
港姐面試:「母女」參選?騎呢組合孖住行

港姐今日舉行首輪面試,其中一位年紀最細嘅佳麗Ukei只有17歲,認真卜卜脆,不過同佢同行嘅佳麗Pamela就大過佢整整10年,加上Pamela個樣幾老成,兩個拍埋,十足兩女母,佢似陪個女面試多過自己面試,但27歲Pamela見到記者就好自信咁擺晒甫士,佢話自己任職物業估價,參賽係為咗挑戰自己,因為今年係最後一年合資格參選,問佢覺唔覺得自己靚?佢就好老實咁答:「普通!」至於Ukei的社交帳戶只見到有13張相,其中有戴上兔耳仔,着水手裝的可愛學生look相,又有着住露腰小背心嘟嘴賣萌,以及低胸花花短裙露長腿,真係青春無敵!

17歲同27歲行埋似足母女。
17歲同27歲行埋似足母女。

17歲同27歲行埋似足母女。

Ukei戴上兔耳仔,大晒少女味。
Ukei戴上兔耳仔,大晒少女味。
Ukei社交網
Ukei社交網

林欣瑜似去返學

林欣瑜似去返學。
林欣瑜似去返學。

另外,今年都有唔少北方佳麗嚟參賽,24歲嘅Lily來自哈爾濱,職業係教普通話,由樣貌談吐到衣着都滲出濃濃鄉味,身穿粉紫色透視裙嘅佢粗腰加上包包臉,仲未減好肥就嚟參選,勇氣可加。

24歲嘅Lily來自哈爾濱,鄉味濃。
24歲嘅Lily來自哈爾濱,鄉味濃。

同樣係包包臉兼未修身嘅佳麗Alice,今年24歲,身穿花花裙,喺英國讀會計,現職核數師,身為專業人士嘅佢見到記者緊張到想喊咁,問佢點解要參選?佢話:「屋企人想,我都想體驗,好緊張!(要修身?)努力緊。」

Alice緊張到想喊。
Alice緊張到想喊。

最騎呢係連講廣東話都唔識嘅佳麗都嚟參選,講英文又唔多掂,雞同鴨講咁,不過佢話自己係喺香港出世㗎,來自東涌,但全程唔肯透露自己嘅名,由哥哥陪同面試。

呢位佳麗全程唔肯透露自己嘅名,由阿哥陪面試。
呢位佳麗全程唔肯透露自己嘅名,由阿哥陪面試。

而24歲的佳麗余曉蕙身形苗條,身穿短褲騷長腿,不過腳上勁多瘀痕,反而令人大打折扣。

余曉蕙腳上多瘀痕。
余曉蕙腳上多瘀痕。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!