【港姐2018】大台街訪候選佳麗 網民瘋狂恥笑:最無腦港姐!

東方新地 - 娛聞
東方新地

《2018香港小姐競選》今個星期日就有得睇啦,呢屆港姐都真係多咗好多大熱人選,雖然唔係個個都好好身材,不過都叫要樣有樣。早前每位候選港姐都喺TVB Big Big Channel拍咗條才藝表演片,網民紛紛留下負評!最近睇到See See TVB嘅港姐訪問,原來佢哋唔單止要才藝冇才藝,連智慧都差緊啲喎⋯⋯

原文:對白Cap圖王 | 圖片:See See TVB Facebook、TVB Facebook

延伸閱讀:

(有片)《延禧攻略》爆笑NG片曝光!佘詩曼雙語讀對白,一招K.O內地演員!

中國泳隊於亞運被DQ 強國網民嬲爆:你班腥港忍笑乜!

大台Facebook專頁街訪候選港姐

早前大台拍咗條港姐街訪,Part 1 就請嚟1號蘭倚婷、4號鄧美欣、9號工藤佑采、11號李明芙同19號楊帆玩街訪,問咗好幾條問題。最好笑係佢哋有啲答案好無喱頭,真係十萬個黑人問號都搞佢哋唔掂。

港姐
港姐

小編就精選咗幾round,一齊睇下班候選港姐點答啦!


Round 1:

知唔知今年港姐口號係咩?

工藤佑采係最醒嗰個,起碼記得開頭嗰句「Be the best」,之後主持講個正確答案叫佢讀多次,佢將「rest」讀做「red」,認真不得了。


蘭倚婷仲好笑,問佢句英文口號叫咩,佢個表情心諗「唔係吓嘩,問我英文,我唔識喎!」

不過身為候選港姐,連口號都唔記得…真係幫你唔到。

結果Round 1冇人嬴!

Round 2:

電視台見到好多前輩,見到汪明荃叫Liza姐,見到鄭裕玲叫Dodo姐,咁薛家燕點嗌佢?

薛家燕就緊係皆大歡喜嘅「嘻呀嘻呀」啦!

呢個仲堅,Sky燕叫…家燕姐姐,家姐媽媽囉,個重點係「Sky燕」,「Sky」啊!

嗱!呢個就醒呢,識得叫家燕姐,遲啲留係大台一定大把世界,邊到似楊帆亂答。

結果Round 2蘭倚婷同鄧美欣嬴!

Round 3:

唐詩「床前明月光」,下一句係咩?

按現今嘅教育界標準嚟講,其實呢首算係「幼兒」唐詩系列嚟,好似係⋯⋯

答案1:床前明月光,疑下地上心???我諗你識嘅,讀得唔正姐係咪?我實信你㗎!

答案2:床前明月光,地圖思故享?算啦!唔好搞大佢,不如返去讀好啲中英文先啦!

好!正確答案係「床前明月光,疑是地上霜」啊!最醒係你兩個啦!

結果Round 3 鄧美欣同李明芙嬴!

Round 4:

獎門人點叫呀?

工藤佑采一句「獎門人點會嗌呀」,肥仔黎我都唔知話你叻好定唔叻好,不過之後冇啦啦喺度「hey」,大佬啊!「hey」係家燕姐嚟㗎!

呢兩個就搞唔掂啦…

最醒又係你兩個啦!連嬴兩round!

結果Round 4 鄧美欣同李明芙嬴!

最終回:「牛唔飲水,下一句係咩?」

答案1:牛唔飲水,我想要飲水?

答案2:牛唔飲水,無低頭?定係牛唔飲水,唔飲水我低頭?

答案3:牛唔飲水,呀媽叫你去飲湯,之後去做功課?

好!正確答案係「牛唔飲水,點撳得牛頭低」!

結果Round 5 工藤佑采同李明芙嬴!

最終由11號李明芙勝出,不過今屆港姐係就係好樣咗,不過唔係好夠智慧咁囉⋯⋯


【HiHi街街訪港姐IQ題 – Part 1】

又係一高一矮、一肥一瘦、一凹一凸,點解呢兩條友可以同陸永、C君爭咁遠?扮農夫都算,仲要偷偷涉位同今年入圍香港小姐玩IQ題?!#HiHi街街訪 #SeeSeeTVB #bigbigchannel #香港小姐2018

Posted by See See TVB on Thursday, 23 August 2018

重溫以上佳麗喺Big Big Channel嘅才藝表演:

1號佳麗 – 蘭倚婷

1號佳麗蘭倚婷用「1999之急口令」做才藝表演。

有就網民好奇:「其實,佢係咪對才藝有咩誤解,做得好既先叫才藝喎,佢依加叫獻醜喎!」

自己都無眼睇?
自己都無眼睇?

4號佳麗 – 鄧美欣

4號佳麗鄧美欣最「食腦」,一於擺幾個甫士當才藝!

9號佳麗 – 工藤佑采

9號工藤佑采跳舞原本都安全嘅,但唔知點解要「自摸」!網民都忍唔住講句:「好低質!」

11號佳麗 – 李明芙

11號佳麗李明芙嘅表演慘被網民指「集漏口同1999於一身」,點解?

香港小姐係選「美貌」與「智慧」並重,如果口齒咁唔清晰,又何必用急口令做表演呢?正所謂「獻醜不如藏拙」嘛!真係無你「芙」啊~

「智慧」何在啊?
「智慧」何在啊?

19號佳麗 – 楊帆

19號佳麗楊帆有唔少支持者,佢唱〈My Destiny〉幾好聽又幾有感情,不錯!


香港小姐2018才藝15秒 PART1 1至4號佳麗

【香港小姐2018才藝15秒】1至4號佳麗係香港人都知香港小姐美貌與智慧並重,但佢地可愛搞笑,能歌善舞既一面你地又知唔知呢?快啲黎睇下佢地有咩表演啦!記得留言支持你地的心目中既佳麗!#香港小姐 #misshongkong #港姐表演 立即下載big big fun投選啦!App Store: https://itunes.apple.com/hk/app/big-big-fun/id450713986Google Play: https://play.google.com/store/apps/details?id=com.tvb.tvbfun

Posted by TVB on Saturday, 18 August 2018


【香港小姐2018才藝15秒】part 3 9至12號佳麗

【香港小姐2018才藝15秒】9至12號佳麗呢組真係好厲害啊,跳舞又可愛,又可以好好笑,小編睇完又睇!唔知到8月26日比賽當日佢地表演又會點呢?#香港小姐 #misshongkong #港姐表演 立即下載big big fun投選啦!App Store: https://itunes.apple.com/hk/app/big-big-fun/id450713986Google Play: https://play.google.com/store/apps/details?id=com.tvb.tvbfun

Posted by TVB on Sunday, 19 August 2018


【香港小姐2018才藝15秒】Part 5 17至20號佳麗

【香港小姐2018才藝15秒】17至20號佳麗終於黎到最後一組啦!大家都好靚又可愛,睇完成個人都覺得好治癒啊!大家又鍾意邊個呢?快啲留言支持下啦!記得睇埋前幾組佳麗啊!#香港小姐 #港姐表演 #misshongkong #笑容 立即下載big big fun投選啦!App Store: https://apple.co/2KX9DuUGoogle Play: http://bit.ly/2PeLumN

Posted by TVB on Monday, 20 August 2018

盤點《美女廚房》7大新地獄廚神!Bob大嗌:行開啦八婆!

延伸閱讀:

馮盈盈麥明詩又嚟料!互動暗指重口味禁片

其他內容