【港姐2018】港姐踏入45年!細數歷屆非冠軍佳麗之最

東方新地 - 娛聞
東方新地

一年一度嘅香港小姐競選又嚟喇,吸引到坊間一眾靚女參選,適逢今屆係45周年,今次為讀者展示歷屆香港小姐非冠軍之最,雖然非冠軍港姐,但位位經典艷光四射。

撰文:東方新地|圖片:新傳媒圖片庫

延伸閱讀:

(有片)《延禧攻略》爆笑NG片曝光!佘詩曼雙語讀對白,一招K.O內地演員!

嫌寫真唔夠激 直擊沙律沖身大解放

細數歷屆非冠軍港姐之最

最蜚聲國際:83年亞軍張曼玉

83年港姐亞軍兼「最上鏡小姐」張曼玉,雖大熱倒灶,但加入影壇瞬間走紅兼獲獎無數,至今共奪得五屆香港電影金像獎影后同四屆台灣金馬獎影后,更係唯一同時喺柏林電影節、康城電影節、亞太電影節奪得影后嘅華人演員而蜚聲國際,係史上影壇成就最高港姐。

港姐
港姐
港姐
港姐

《阮玲玉》五料影后

張曼玉至今喺本地同國際共奪得十六個影后,92年《阮玲玉》連奪香港電影金像獎、金馬獎、日本電影影評人大獎、柏林同芝加哥電影節嘅「最佳女主角」成五料影后。

港姐
港姐

最突破:79年鍾楚紅

79年鍾楚紅參選港姐得第四名,賽後只獲派喺《歡樂今宵》任「歡樂小姐」,惜表現生硬,但憑其獨特氣質同嬌艷美貌獲劉松仁賞識,引薦喺杜琪峯80年執導的電影《碧水寒山奪命金》演出而嶄露頭角,84、87年更兩奪亞太影后成「影壇天后」。

港姐
港姐

最逆齡:73年趙雅芝

喺73年首屆港姐得第四名嘅趙雅芝,演古裝一絕嘅佢係七、八十年無綫四大花旦之一,80年《上海灘》更紅遍中港台東南亞,四十年優雅高貴魅力不滅,最不可思議嘅係現年64歲嘅佢睇嚟唔過四十歲,絕對係不老神話之一。

港姐
港姐

最多身份:82年亞軍鄺美雲

82年港姐亞軍鄺美雲係芸芸港姐中身份最多嘅一位:港姐、演員、歌手、主持、珠寶鑑證師、珠寶店同美容店老闆、江西省政協、港區人大代表、慈善家,係個精明能幹女強人,千禧年創立自家珠寶品牌嘅佢住億元豪宅,有指身家更高達五億。

港姐
港姐

最性感:87年邱淑貞

邱淑貞(豆豆) 87年參選港姐卻因被指整容憤而退選,同年簽約無綫,翌年獲導演王晶賞識加入影壇,92年突一改清純形象喺《赤裸羔羊》有性感大膽演出,從此奠定「性感女神」地位,堅持三點不露嘅豆豆係史上最性感誘惑嘅港姐。

港姐
港姐

最薄命:82年翁美玲

82年英國留學生翁美玲參選港姐卻三甲不入,83年憑第二套劇集《射雕英雄傳》黃蓉一角爆紅,將原著中黃蓉嘅冰雪聰明、刁蠻任性演得活靈活現,成「永遠的黃蓉」,惜85年因感情問題喺屋企開煤氣自殺身亡,終年26歲。

港姐
港姐

最悲情:77年季軍余綺霞

77年港姐季軍余綺霞,88年為《歡樂今宵》到澳洲拍外景時遇車禍,昏迷一個月始甦醒,因傷及神經線影響說話能力,90年更不幸證實患上鼻咽癌,追求者鍾保羅同男友亦先後離佢而去,多重打擊下三年後不幸病逝,終年36歲。

最具話題:91年季軍蔡少芬

91年港姐季軍蔡少芬,當年只得17歲成為史上最年輕港姐,98年25歲憑《天地豪情》奪萬千星輝頒獎典禮「最佳女主角」,成史上最年輕視后,但媽咪欠下巨額賭債,00年因不堪代母還債重負宣布脫離母女關係,而富商豪擲百萬開派對為蔡少芬慶祝18歲生日,更轟動一時。

港姐
港姐

視壇最威:97年季軍佘詩曼

97年港姐季軍佘詩曼首次拍劇就做女一,06年憑《鳳凰四重奏》喺萬千星輝頒獎典禮連奪「最佳女主角/我最喜愛的電視女角色」,成首位雙料視后,五年後再憑《公主嫁到》昭陽公主一角,喺第16屆亞洲電視大獎榮膺「最佳女主角」(戲劇/劇情組) 成亞洲視后而被封「港劇女王」,至今共奪得108個獎項,係史上攞獎最多港姐。

港姐
港姐

同場加映:歷屆港姐冠軍之最

史上最美:77年朱玲玲

77年19歲嘅朱玲玲參選港姐勇奪冠軍兼最上鏡小姐,氣質雍容華貴令佢被譽為「最美麗港姐」同「港姐中的港姐」,擅長攝影嘅佢更多次舉行攝影展,絕對美貌與智慧並重。78年下嫁霍震霆,開創港姐嫁入豪門先河。

港姐2018
港姐2018

最靚混血:88年李嘉欣

88年港姐冠軍李嘉欣係中葡混血兒,係史上「最靚混血港姐」,同年再奪國際華裔小姐冠軍同最上鏡小姐,擁有傾國傾城美貌嘅佢,三十年嚟從未走樣一直靚到依家。

港姐
港姐

最傳奇:75年張瑪莉

75年冠軍張瑪莉係史上最傳奇港姐,佢係遭父母遺棄嘅孤兒,優雅大方、多才多藝嘅佢做過助理編導、主持、演員、作家、畫家、攝影師、電台DJ,且致力公益慈善事務,88年當選「香港十大傑出青年」,成史上唯一獲此殊榮兼得獎最多港姐。

港姐
港姐

張瑪莉獎項一覽:

88年「十大傑出青年」
92年「十大傑出女性」
96年「十大愛心之星」
01年「21世紀女性典範」
02年「成功女性大獎」
06年「立新成就獎」、「中國百名傑出女企業家獎」
08年「優雅生活大獎」
09年「Fashion with Heart大獎」、「品味生活大獎」、「傑出愛心演藝人大獎」

最不名譽:81年羅佩芝

81年26歲嘅羅佩芝由美國回港,為參選規定年齡唔可以超過25歲嘅香港小姐,竟虛報年齡更最終贏得冠軍,但有匿名人報寸,無綫決定取消羅佩芝港姐冠軍資格,後改由亞軍勞錦嫦頂上,成史上唯一搣柴港姐。

港姐
港姐

最反骨 & 最先露點:79年鄭文雅

79年港姐冠軍兼最上鏡小姐鄭文雅,竟然喺任期內同麗的 (亞視前身) 簽約,卸任後翌日跳槽麗的備受力捧,引起嘩然!87年鄭文雅更推出露點寫真集,盡顯思想前衛、敢作敢為嘅性格,寫真集轟動一時,成首位露點港姐。

港姐
港姐
港姐
港姐

最好成績:87年楊寶玲

87年20歲嘅楊寶玲連奪港姐冠軍同國際親善小姐外,88年喺英國參加《世界小姐競選》進入最後12名並勇奪「亞洲皇后」,而喺台灣舉行嘅《環球小姐競選》,楊寶玲更獲得第五名,令佢成為史上成績最彪炳嘅港姐。

港姐
港姐
港姐
港姐

最胸猛:96年李珊珊

李珊珊96年連奪香港小姐冠軍、最上鏡小姐、最受傳播媒介歡迎獎同才藝小姐四個獎項,成四料港姐,喺《國際華裔小姐競選》亦奪亞軍,擁有36F勁爆胸猛身材同優美曲線嘅佢,被稱為「史上身材最好的港姐冠軍」。

港姐
港姐
港姐
港姐

影壇最佳:90年袁詠儀

90年港姐冠軍兼最上鏡小姐袁詠儀,拍劇時除一套客串外其餘全做女一,92年投身影壇翌年憑《亞飛與亞基》奪香港電影金像獎「最佳新人獎」,94、95年更分別憑《新不了情》同《金枝玉葉》連奪「最佳女主角」,係影壇史上成績最好港姐冠軍。

港姐
港姐
港姐
港姐

單屆最多獎:01年楊思琦

01年楊思琦參選港姐,除大熱奪冠更連奪最上鏡小姐、網上最奪目小姐、纖體美態獎、最甜美笑容佳麗、最修長美腿佳麗、15-24歲/25-44歲/45歲以上投票組別嘅最受歡迎佳麗獎,係單屆獲獎最多港姐。

港姐
港姐

最hea & 最高:08年張舒雅

08年港姐冠軍張舒雅,高5呎11吋係史上最高港姐冠軍,但佢當選一個月後向無綫請病假,除拒履行港姐職責直至卸任,更退選《世界小姐競選》同《國際中華小姐競選》,故被稱「史上最hea港姐」,無綫震怒下禁止佢出席決賽同為新任港姐冠軍加冕。

港姐
港姐

【延禧攻略】現實原來係性感美人!《延禧》高貴妃 跳火辣鋼管舞

高貴妃
高貴妃

【延禧攻略】曾拍荷李活爛片 揚言超越章子怡 《延禧》混血美宮女 靠奸上位

延禧攻略
延禧攻略

【延禧攻略】演奸角獲激讚 細數佘詩曼10套超經典古裝劇

【延禧攻略】原來唔識跳舞? 皇后秦嵐 跳「洛神舞」靠演技搭夠

秦嵐
秦嵐

【延禧攻略】三大女主角 你最鍾意邊個?

延禧攻略
延禧攻略

【延禧攻略】清朝妃嬪化妝服飾神還原!于正:這不是咬唇妝

延禧攻略
延禧攻略

延伸閱讀:

【延禧攻略】童年照曝光!「魏瓔珞」吳謹言 力證「從小美到大」

其他內容