港姐50周年 期待出埠拍攝 宋宛穎細妹接棒 壯大「選美世家」

·2 分鐘文章
宋宛穎難忘參選港姐後的種種經歷。
宋宛穎難忘參選港姐後的種種經歷。

《2022香港小姐競選》「全球招募」正式啟動,應屆港姐冠軍宋宛穎有個孖生妹妹,不少人期待她報名參加,壯大「選美世家」,高層曾志偉則期待「解封」後出埠拍攝港姐外景。

今年港姐招募記者會昨假電視城舉行,大會將主題定為「時代在變 美麗不變」,報名日期由即日開始。一眾港姐出身的馮盈盈、劉穎鏇、宋宛穎、邵初、黃嘉雯等齊齊現身協助造勢,無綫總經理(節目內容營運)曾志偉則到場主持啟動儀式。

盼拍劇作新嘗試

應屆港姐宋宛穎及邵初對於行將卸任,同感不捨,宋宛穎表示:「我覺得好似尋日先遞報名表,時間過得好快。好多人知道我有個孖生細妹,就叫我游說佢參選,不過佢好怕醜,如果連佢都選埋,加埋我同媽咪,咁就真係睇吓係唔係選美世家嘞!(妹妹生得似你?)兩個樣嚟㗎,我哋係異卵雙生。」邵初談到當選後最難忘的經歷:「就係參加抗疫活動,到訪過確診家庭,明白香港人呢段時間有幾艱難。」

至於卸任後是否準備於演藝圈大展拳腳,她們均表示希望有新嘗試例如拍劇。

曾志偉過往曾擔任21屆港姐決賽司儀,他謂:「諗都冇諗過,今年適逢港姐50周年、TVB又55周年,再加上慧妍雅集40周年。以往我習慣第一日就同啲佳麗會面,叫佢哋好好享受呢段難忘嘅回憶,唔好爾虞我詐。」

搵重量級嘉賓助陣

他透露比賽暫定於8月底或9月舉行,希望疫情減退,可開放出入境出埠拍攝,也希望趁着50周年多邀重量級嘉賓助陣。至於《金宵大廈2》「姐姐」單元被指涉及種族歧視,他謂:「如果拍戲講外星人,我哋搵人扮外星人又係歧視咩?只係根據劇情需要。」

邵初
邵初



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能