港媽呻外傭暗示想加薪 網民勸就範:出面用過萬蚊搶姐姐

疫情加劇本港的外傭短缺問題惡化,不少僱主要出$5000至$6000月薪才「搶」到外傭,部份「姐姐」更識「 揀老闆」,拒絕多人家庭、沒獨立工人房⋯⋯

有港媽於討論區表示,其家庭外傭向她出示兩則報道香港外傭人手短缺的新聞剪報,疑暗示要加人工,令她感到被「工人姐姐」威脅而十分生氣,批評該名外傭無禮,「要加人工可以親自同我講或者寫訊息給我,而唔係send咗兩張報紙俾我睇,而家諗緊加唔加比佢。」

網友:你唔加佢一定走

網友大都比較關心該名「工人姐姐」的月薪,這名港媽就指八年來都付基本月薪,即每月最低薪金$4630給其外傭。她指外傭每日的工作量不多,因她的子女已長大,不需要照顧,其外傭只需簡單下廚及打掃。港媽又補充「「其實佢可以同我商量只係我覺得佢呢個方式好似威脅我咁,條氣唔順。」

有網友指「工人姐姐」想加薪是人之常情,「做咗8年,應該表現幾好先做到咁耐」,而且願意接受最低月薪的外傭已越來越少,「呢個時勢你急,佢唔急!」勸港媽就範,跟外傭商量加薪金額,以免其外傭離職,「好難請人,你唔加佢一定走」,之後要花時間及手續費再請新的外傭,是得不償失。

續約加薪是常態?

加薪問題令許多網友都有共鳴,認為只要能負擔的加薪金額都要付,以留住外傭。有人指「我個工人續第二個約加到$5000, 剛剛續咗第三個約加到$5500, 唔好以為佢好好,佢係成日玩電話,又冇記性,到今時今日煮餸都係我叫落幾多糖幾多鹽,唔叫就企咗喺度」但為了外傭肯續約,即使不滿其工作表現,亦只能答應加薪。

有網友都表示,因為很需要工人姐姐照顧家庭,除了加薪,連額外要求都要答應,「我好早已加到五千幾,因為我真係好需要佢!啱啱續嘅約仲要求提早出半份長期服務金比佢,我根本無得揀,唯有比!」

中介公司助外傭「跳槽」

現時本港的外傭供不應求,有網友指「我朋友開頭出$7000請唔到,而家再加$1000,出到$8000都仲係好難請姐姐,你唔加俾佢,佢走都大把人爭住要。」甚至有網友指一些僱主用「過萬蚊搶」外傭「跳槽」轉工,而中介公司亦會將需要聘請外傭的僱主條件一一列出,例如提供有獨立工人房的家居照片,令外傭可以「揀老闆」,拒絕多人家庭、有寵物家庭、有長者家庭,以及沒獨立工人房的環境等。

圖片:電影《淪落人》劇照