港版《大叔的愛》周五大結局 ViuTV食住個勢搵日版接棒

·2 分鐘文章
《大叔的愛》
《大叔的愛》

由MIRROR成員Edan(呂爵安)、Anson Lo(盧瀚霆)及黃德斌主演嘅ViuTV劇集《大叔的愛》,劇情輕鬆搞笑兼製作高質,開播至今好評如潮,收視成績亦勢如破竹,首5集收視錄得6.4點(約42萬觀眾),第二周收視再下一城去到6.9點(約45萬觀眾),成為ViuTV開台以來最高收視劇集。話咁快《大叔的愛》喺今個星期五(16日)就會播出大結局,相信唔少觀眾都會依依不捨,而有報道指ViuTV將會食住個勢,喺下星期一(19日)8點半至10點半時段播放日版《大叔的愛》。

港版《大叔的愛》贏盡口碑兼喺網絡上瘋狂洗版,ViuTV就喺下星期一播放日版《大叔的愛》希望可以進一步延續呢股熱潮。而TVB方面,《刑偵日記》嘅收視屢創新低,有傳因電視大戰及迎接東京奧運會嘅關係,喺下星期一進行大變陣,將星期一至五嘅《東張西望》及《愛·回家之開心速遞》提前半小時播出,然後將8點半檔期就會改播1個半小時嘅綜藝節目(《聲夢傳奇决賽》、《明星運動會》、《盛.舞者》及《全城迎奧運》),即係要去到下月9日先至會有新劇出街,將以往喺黃金檔期播兩套劇集,變成只播一套劇集。

《大叔的愛》劇照
《大叔的愛》劇照
日版《大叔的愛》海報
日版《大叔的愛》海報
《大叔的愛》劇照
《大叔的愛》劇照
《大叔的愛》劇照
《大叔的愛》劇照

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能