游嘉欣食住上拍新劇 壓力變動力

游嘉欣劇接劇,大有發揮機會。
游嘉欣劇接劇,大有發揮機會。

藝人游嘉欣、陸浩明及黃芷欣等日前為無綫節目《#後生仔傾吓偈》錄影,戴祖儀之後開拍新青春劇,原來憑《香港愛情故事》上位的游嘉欣亦透露2、3月將拍此劇,她坦言處女劇成功的確有點壓力,但亦會變成自己的推動力。

節目中眾人話題談到呃人及被騙遭遇,黃芷欣自爆拍攝其他節目時曾被人跣到「攤攤腰」:「啱啱入行,唔識睇劇本,個同事話對白唔使記o架,到時自由發揮,點知拍嗰陣真係呆咗喺度!」而馮盈盈笑謂不時被助導十萬火急Call入廠,但趕到時卻全廠去了食飯,令她白趕一場。

至於陸浩明則稱最大話是讀大學時為拉近與女友的距離,呃家人他抽中宿舍,其實大學根本沒有宿舍,實情去租住劏房,他笑說:「我住天水圍咁遠點維繫呀,唔搬出去一定分手啦!」