湯洛雯住「旺地」 工作冇停手

湯洛雯非常滿意現時的寓所,無意搬屋。
湯洛雯非常滿意現時的寓所,無意搬屋。

馬鞍山與大埔向來是風水地,藝人湯洛雯2019年購入馬鞍山的雲海別墅,她承認運勢不俗:「我聽好多人講馬鞍山好好風水,雖然我冇乜留意,不過唔知關唔關事,我搬入去後的確係連續拍咗幾套劇,依家仲繼續有劇開,冇停過。(同男友馬國明屋企相隔咁遠難見面,會唔會另築愛巢同居?)我啱啱搬咗冇耐,冇諗住搬出去,未有同居打算。」

至於近年轉做KOL的陳智燊與太太宋熙年,婚後搬到馬鞍山天宇海居住,工作順風順水,最近他們由馬鞍山搬到同屬風水地的大埔逸瓏灣,單是廚房就有300呎,愈搬愈大,不過宋熙年坦言對風水之說不太清楚:「我聽過有人咁講,但我哋純粹鍾意呢度安靜,而且新界區低密度,空氣又好,住得比較舒服。」