湯洛雯受「冰刑」逼供

·1 分鐘文章
阿蕭同江欣燕「挾持」靚湯,出招套料。
阿蕭同江欣燕「挾持」靚湯,出招套料。

藝人蕭正楠(阿蕭)及湯洛雯(靚湯)前晚亮相無綫直播節目《開心大綜藝》宣傳新劇《一笑渡凡間》,阿蕭不時取笑拍檔,而主持森美追問其結婚傳聞,靚湯即撒嬌說:「關你咩事啫!」演出短劇時,她繼續成為被玩對象,江欣燕拿起冰塊在她的面上塗抹,並追問她是否知道男友馬國明的敏感部位,靚湯左閃右避,欣欣借勢將冰塊放入其衣服,令靚湯忍不住起身跑走躲避,場面爆笑!

靚湯早前生日與馬國明到酒店Staycation(宅度假)浪漫慶生,並穿性感泳衣歎Spa,她受訪時笑說:「嗰件其實唔係三點式,只係一件頭泳衣。」在旁的阿蕭笑說:「咁你真係好性感喎!我都以為係三點式,真係天生麗質!」靚湯續指與男友首次去Staycation,玩得相當開心,問對方可有在浪漫時刻趁機求婚?她笑說:「真係冇,因為我哋兩個都唔係鍾意Surprise嘅人,好多嘢會預先同對方講。」

2人擁情侶公仔,而代表馬國明的公仔經常被網友笑污糟,問靚湯可有幫忙洗白白?阿蕭笑說:「係囉!點解咁污糟嘅?係咪睹物思人?真係唔知做咗啲乜喎,你知啦,佢喺上面咁耐!」靚湯只好笑說:「可能多塵啩。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能