湯洛雯呻失眠 自爆開刀放血

·1 分鐘文章
湯洛雯受失眠困擾,不妨叫男友唱安眠曲!
湯洛雯受失眠困擾,不妨叫男友唱安眠曲!

無綫健康資訊節目《醫醫,我不想再病了》前晚進行錄影,主持之一黎諾懿自爆有尿酸、輕微高血壓及主婦手,笑言今次做節目可以「自肥」向醫生抄牌。湯洛雯與洪永城擔任嘉賓,前者自爆經常失眠,不時服食安眠藥:「拍劇啲時間經常日夜顛倒,好難調節,好佩服啲人一瞓落床就瞓得着。(定係因為你掛住男友馬國明,所以瞓唔着?)小朋友拍拖先會!佢知我有食藥嘅習慣,都好唔鍾意。」之後再爆上月拍新劇《OPM》時發生意外,拍落樓梯戲份時不慎碌落樓梯拗柴,腳踝又腫又瘀,後期更發現腳趾公指甲變黑,竟大膽得自行開刀放瘀血!

洪永城則透露12歲時打籃球跌落地傷到腰部,自此腰間不時疼痛,要經常拉筋、熱敷及接受物理治療,更疑因此影響到腎部致腎氣不足,曾食中藥調理。記者打趣指他有事都「搞出人命」,他笑說︰「唔一定成正比嘅!近年有改善到,可能做多咗運動,證明運動有助傳宗接代,老婆亦從來冇表達不滿!」

黎諾懿(左)及洪永城趁機向醫生抄牌,以備不時之需。
黎諾懿(左)及洪永城趁機向醫生抄牌,以備不時之需。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能