湯洛雯被寸過咗更年期 嬲到拍枱

慘被圍攻的湯洛雯,都唔知好嬲定好笑!
慘被圍攻的湯洛雯,都唔知好嬲定好笑!

湯洛雯(靚湯)、洪永城早前為無綫節目《醫醫,我不想再病了》任嘉賓,節目中,陳諾醫生指出過了更年期的女士為骨質疏鬆高危患者,靚湯聞言即露出驚嚇樣,隨即被主持黎諾懿及楊潮凱寸爆說:「佢未過50歲,但係更年期過咗㗎喇!」黃庭鋒及楊潮凱又先後踢爆女方是「拗柴達人」兼「發雞盲」,黎諾懿即再次出招寸靚湯:「因為鈍!」楊潮凱「接力」再踩一腳:「可能個腦有少少問題。」四面楚歌的靚湯大感氣結,扮「嬲嬲豬」拍枱兼笑着問:「點解要針對我?」場面搞笑。

至於全程表現相對較正經的何依婷,未知是否受「奀皮仔」洪永城影響,回答問題全程「亂噏」,不過依婷「廢噏」功力明顯不及洪永城,對方更被封「失分王」。