湯洛雯買中旺地新居:希望好啲!

東方日報
·1 分鐘文章
湯洛雯聽到新屋風水好,梗係開心!
湯洛雯聽到新屋風水好,梗係開心!

2年前豪擲4,500多萬購入馬鞍山獨立屋的無綫花旦湯洛雯(靚湯),對於該區被玄學家預測將成為風水地,她昨日接受本報訪問時表示亦有聽聞:「好似話有3個地方係風水好嘅,其中一個就係馬鞍山,其實買呢間新屋之前都有問過啲師傅,樣樣都問吓咁,佢都話係OK!咁聽到就梗係開心,不過呢樣嘢唔可以盡信,風水之餘,都要自己做嘢勤力,淨係坐喺度唔會無啦啦發達,所以我希望好啲!」

與馬國明愛得癡纏的她不時傳出婚訊,更指婚後會遷入新居,不過靚湯卻笑指新屋將與家人同住,現時裝修還在趕工,她亦不時前往監工,但尚未落實何時竣工入伙,更說:「希望搬屋之後父母身體愈來愈好,阿妹就學業進步啦!」