湯洛雯連環不幸 等馬國明呵番

湯洛雯做嘢論論盡盡,睇嚟馬國明真係要睇實佢。
湯洛雯做嘢論論盡盡,睇嚟馬國明真係要睇實佢。

湯洛雯外表精靈,私底下卻非常論盡!昨日出席新劇造型活動時,自爆搬屋搞到(界刂)損腳,行商場時又不慎趴街,連揸車也發生跣胎意外。而下月生日的她預告男友馬國明即將回港,笑指渴望來個甜蜜Staycation。

湯洛雯(靚湯)、馬德鐘、陳煒、賴慰玲、何廣沛等昨日出席無綫新劇《雙生陌生人》造型活動,前者透露近日忙於搬新屋,再加上唔夠瞓,以致面部生了粒粒。

馬德鐘分飾兩角

由於一手一腳砌家具,卻姐手姐腳弄傷自己:「把(界刂)刀唔小心(界刂)到膝頭哥上面,即刻流血。(男友馬國明知唔知?)佢知我好論盡,冇乜特別感覺,試過喺商場我成個人趴咗落地,嗰刻覺得自己好(火羅)。新年前又跣胎炒車,好恐怖,好彩冇撞到人,只係個車頭爛晒。」靚湯預告男友一星期後從內地返港,屆時會如何慶祝?她說:「我5月6號生日,不過到時都要開工,唔知慶唔慶祝到,好想去Staycation,其實佢有時間陪我都已經OK。(冇見咁耐好掛住?)OK啦,正常情侶咁囉!」

而馬德鐘於劇中分飾兩角,坦言乃入行以來一大挑戰:「睇完劇本,有時瞓覺扎醒,會諗究竟我演緊邊一個。」更指已向同劇演員備案,屆時請他們提醒自己當時是演哪一個角色。飾演馬德鐘太太的陳煒,則表示為配合有錢小姐角色,開拍前特別去做Facial、染髮及美甲。

麥大力苦背對白

至於首次拍劇的麥大力演有錢仔,仍未知有多少對白,問到他是否能應付廣東話對白?他笑說:「好在仲有幾個星期準備。(點練?)齋背囉,當我明白個意思應該得,依家心情好興奮。」

馬德鐘與陳煒在劇中飾演夫妻,十分登對。
馬德鐘與陳煒在劇中飾演夫妻,十分登對。
麥大力與郭柏妍欠缺演戲經驗,不過新鮮感搭夠。
麥大力與郭柏妍欠缺演戲經驗,不過新鮮感搭夠。