湯盈盈熱身迎戰後生女

東方日報
·1 分鐘文章
湯盈盈是遊戲老手,冇咁易輸!
湯盈盈是遊戲老手,冇咁易輸!

湯盈盈、滕麗名及呂慧儀等,昨日出席《愛.回家之開心速遞》「喜迎新春」活動,提到曾志偉即將返港,「獎老夫人」盈盈笑說:「我都聽到好似係!(嘉樂會幫佢手?)只要有需要,會嘅。(再開拍《獎門人》?)如果開我一定參加,佢哋一定會搵班後生女,所以會練好啲身手,等住同佢哋玩遊戲鬥過!」又表示正為農曆新年苦惱:「疫情下邊度都唔去得,諗住買啲食材返屋企下廚,同埋跟媽咪學整盆菜,依家先醒起兩個女原來未食過湯圓!(咁老公呢?)佢一直喺香港,就嚟開工喇!」

至於《獎門人》常客洪天明北上吸金長達8個月,近日終於返港與家人團聚,大仔洪大仁見到爸爸即時爆喊,場面感人。

洪天明父子終於團聚,囝囝即時標眼淚。
洪天明父子終於團聚,囝囝即時標眼淚。