源菲然用10年追夢 老竇開綠燈

東方日報
·2 分鐘文章
源菲然恨與謝嘉怡合作,表姊妹拍住上!
源菲然恨與謝嘉怡合作,表姊妹拍住上!

應屆落選港姐源菲然與麥詩晴最近簽約無綫,首個工作便是加入劇組,雖然僅得1場戲,但足以大開眼界!為做好演員這份工,她們更瘋狂報讀演藝課程增值。被揭家族經營涼茶舖的菲然,笑指無意繼承祖業,幸好父親放手讓她追夢。

雖然未能在今屆港姐取得名次,但源菲然與麥詩晴的演藝路未有止步,齊齊簽約無綫,更火速獲安排工作,發展絕不比三甲遜色。菲然成為藝人後首項工作便參與新劇《玩命真相》,飾演秘書的她即使僅得1場兩句對白的戲份,但由於演戲零經驗,拍攝前特別找父親幫忙對戲,又狂刨劇本記埋其他演員的對白,不容有失。拍攝當日,菲然起初表現緊張,演對手戲的劉溫馨見狀即教她放鬆及分享經驗,結果僅NG 3、4次便完成,放下心頭大石。

麥詩晴向鄧佩儀偷師

相對菲然,詩晴雖然僅參與群戲部分,但不用埋位時仍會趁機向前輩鄧佩儀偷師,笑言獲益不少,期待稍後拍攝另一套劇。談到做藝人收入不穩定,兩女同聲表示預計首年工作量不多,故決心把握時間增值:「報咗演藝班,仲有學咗幾個月唱歌、跳舞,希望可以打好個底,我哋會搵兼職幫補學費。」她們分別視黃翠如及王君馨為奮鬥目標,望有朝能多方面發展。

身為著名涼茶舖後人的菲然,坦言家中長輩未有要求她加入家族生意,雙親更讓她自由發展:「媽咪話趁細個做自己想做嘅嘢,就係追夢,所以會畀10年時間自己喺呢行。(佳麗們知唔知你嘅背景?)當初身份曝光都緊張,因為爸爸不嬲低調,之前佢做訪問都唔出樣。(增添壓力?)會啊!希望自己做好啲,唔好拖累咗爸爸,但佢唔會畀壓力我,反而成日會教我點做好啲。」談到表姐是港姐冠軍謝嘉怡,菲然指期待合作拍劇,希望角色上有突破,不再做親戚:「我哋細個喺英國成日見,依家喺同一間公司都會互相照應,佢中文唔叻,我都會教佢點講。」

謝嘉怡
謝嘉怡
麥詩晴初入行便劇接劇,相信很快上位!
麥詩晴初入行便劇接劇,相信很快上位!