溜冰場遇凳霸 陳浩民妻蔣麗莎火併港婦

東方新地 - 娛聞
東方新地

陳浩民太太蔣麗莎四年抱四,平時勞心勞力照顧四個小朋友,上周三 (8月29日) 她帶仔女去又一城溜冰場,抱住個女搵地方換鞋卻遇上港婦用背囊霸凳,她一怒之下拍片放上微博大控訴。當日事發後,蔣麗莎與仔女殺入又一城超市,谷住道氣的她遇上本刊記者即拿出手機展示與港婦火併的短片,大斥港婦離晒譜。唔好睇陳太平時對仔女陰聲細氣好溫柔,為咗護仔女同捍衞公義,佢會力撐到底,佛都有火!

撰文:東方新地|圖片:新傳媒圖片庫、蔣麗莎微博

延伸閱讀:

(有片)《延禧攻略》爆笑NG片曝光!佘詩曼雙語讀對白,一招K.O內地演員!

Bob王祖藍激似清代真·妃嬪 有望拍《延禧》續集?

蔣麗莎 護女心切開火

蔣麗莎要照顧四個寶貝仔女兼打理成頭家,EQ出名有番咁上下,不過日前卻因「土地問題」火併港婦。上周三 (8月29日) 蔣麗莎一拖六 (四個仔女加兩個外傭) 去又一城溜冰場踩冰,期間細女要換鞋,一名港婦卻以背囊佔據坐位未有讓座,雙方發生口角,蔣麗莎護女心切,即時以手機拍片怒轟對方欠公德心。

蔣麗莎對子女照顧無微不至,今個暑假頻頻帶他們去又一城學溜冰,而她亦玩埋一份,非常享受親子樂。
蔣麗莎對子女照顧無微不至,今個暑假頻頻帶他們去又一城學溜冰,而她亦玩埋一份,非常享受親子樂。

蔣麗莎當日在社交網上載兩條在溜冰場拍攝的短片,片中見一名坐在長凳上的女子勞氣地說:「你想坐,OK,你講咪得囉!冇問題!」但她一直未有挪開其身後放在凳上的背囊,之後蔣麗莎怒斥說:「真係夠晒離譜!呢個位畀佢擺電腦,我依家抱緊小朋友呀!」另一段片中,有個男孩想坐下換鞋,蔣麗莎拍拍他提醒「坐過啲」:「佢話有好貴重嘅嘢喺裡面,呢張凳唔係畀人坐,係畀佢個袋擺電腦。」港婦聞言勞氣回應:「係佢自己盲咋嘛!所有小朋友想坐我都會讓佢⋯⋯」不過片中見她從來冇讓座,蔣麗莎再說:「所有小朋友Change Shoes (換鞋) 都喺呢度,你郁都唔郁。咁樣嘅香港人好犀利,完全冇公德心!」

在又一城溜冰場與港婦發生衝突後,蔣麗莎遇上本刊記者即拿出手機展示所拍的短片,谷氣作出控訴。她直指涉事港婦惡言相向:「我得三分一屁股坐埋去,冇坐到佢個袋。我話好逼,同佢講張凳唔係畀佢擺袋,佢唔理我,搏命鬧我,仲話我係八婆。」
在又一城溜冰場與港婦發生衝突後,蔣麗莎遇上本刊記者即拿出手機展示所拍的短片,谷氣作出控訴。她直指涉事港婦惡言相向:「我得三分一屁股坐埋去,冇坐到佢個袋。我話好逼,同佢講張凳唔係畀佢擺袋,佢唔理我,搏命鬧我,仲話我係八婆。」

與港婦駁火後,蔣麗莎帶住仔女同外傭到又一城的超級市場購物,遇上本刊記者後她不吐不快,坦言當時因為女兒扭傷要換鞋,她抱住囡囡想坐低卻遭對方一手推開,她才開始與對方理論,並謂如果是自己做得不對願意say sorry,但她堅持是對方冇公德心及態度差勁。身為四子之母,蔣麗莎捍衞子女是天經地義的事,雖然大動肝火好傷元氣,不過有四個活潑可愛的仔女錫番呵番,呢位超人媽咪好快又笑番!

蔣麗莎
蔣麗莎

拍片公審

蔣麗莎把兩條短片上載微博,並留言形容當時情況,片中見她與一名身穿黑色外套的金髮馬尾港婦互罵,對方不停話自己的背囊入面有很貴重的電腦,口口聲聲說會讓位,但從未有行動把背囊挪開。

蔣麗莎
蔣麗莎

蔣麗莎與港婦爭持不下,解釋當時抱住囡囡幫她換鞋,但對方堅持唔讓座,後來有個小男孩想坐低換鞋,忙住拍片的蔣麗莎不忘提醒小朋友,話張凳唔可以坐:「唔好坐呢度,嗰度有個袋,佢話有啲好貴重嘅嘢喺裡面。」

蔣麗莎最後仲指住個袋、再提醒小朋友話:「呢張凳唔係畀人哋坐,係畀佢個袋擺呢度嘅。」聽得出她當時真係好嬲。

玩轉超市

蔣麗莎呢頭同港婦嘈完,離開溜冰場即帶四個仔女去超市掃貨,雖然有兩位外傭姐姐隨行,但蔣麗莎全程自己照顧小朋友,一拖四唔易搞,不過陳氏寶貝都算聽話,冇話周圍走。

蔣麗莎
蔣麗莎
蔣麗莎
蔣麗莎

大女陳雅薷就最幫得手,除了會幫媽咪拎嘢外,仲會睇實最搗蛋的二弟陳璟逸。

老公陳浩民在國內拍劇搵錢養家,蔣麗莎就留港睇實頭家,每次出街都好大陣仗,始終兩個細女都係得兩、三歲,好彩帶住兩個得力外傭負責抱女,不過蔣麗莎仍要負責做埋司機揸車。

蔣麗莎
蔣麗莎
蔣麗莎
蔣麗莎

超人媽媽

32歲的蔣麗莎絕對是不可思議的媽媽,與陳浩民結婚七年,無論照顧老公定仔女都非常稱職,仲有時間復出幕前,超人媽媽當之無愧。

蔣麗莎
蔣麗莎

北上探班

趁住仔女仲放緊暑假,早前蔣麗莎一拖四山長水遠飛去橫店探正在拍古裝劇的陳浩民班,見到四個仔女,陳浩民幾辛苦都值得。

蔣麗莎
蔣麗莎
蔣麗莎
蔣麗莎

【延禧攻略】原班人馬開新劇!《皓鑭傳》邊個冇得留低?

有情有義 情路坎坷!邵美琪 靚足33年

【港姐2018】港姐踏入45年!細數10項歷屆冠軍之最

【再創世紀】周柏豪靠鼻哥窿搶鏡? 網民:睇到好尷尬!

周柏豪
周柏豪

【再創世紀】女主角鬥喊功 鍾嘉欣、楊怡、周勵淇邊個最慘?

【延禧攻略】光頭定有頭髮靚仔啲?盤點《延禧》三位小鮮肉chok爆對比照

光頭
光頭

延伸閱讀:

應采兒自揭最愛穿螢光色衫原因 背後原來暗藏機心!

其他內容