溫兆倫娶細20年嫩妻洗底狠甩渣男稱號 拍片谷人氣搵人仔

·2 分鐘文章
溫兆倫
溫兆倫

90年代當紅小生溫兆倫近年主要喺內地發展,爲保持人氣,跟上潮流喺微博與抖音分享搞笑短片,其中一條就係溫兆倫話幫人還錢2000萬,但又急急離開;另一條短片就拎住寫上「如何控制你的脾氣」嘅A4紙然後大發脾氣,雖然內容非常無里頭,但每條片都獲得唔少內地網民讚好。

56歲嘅溫兆倫去年曾被指髮際綫向後移、發福,打扮亦捲入時裝車禍,雖然喺最新影片中見到佢減肥成功,但眼角明顯下垂,始終敵唔過歲月摧殘。溫兆倫喺1989年憑劇集《義不容情》丁有康一角走紅,變成「少女殺手」,歷過兩段婚姻失敗,與藝人陳梅馨、郭羨妮嘅戀情最為人熟悉,過去情史都涉及唔少金錢轇轕,直至溫兆倫2013年同年輕20歲嘅內地女星趙庭結婚並育有一女,之後先修心養性。對於過去愛情史成為話題,溫兆倫就曾反問:「相愛有甚麼問題?」,認為既然沒問題就沒需要解釋。

溫兆倫懶理閒言閒語,將重心傾向家庭,不時喺微博大曬湊女生活點滴,亦試過喺趙庭生日當天發文感謝太太付出,成功為過去渣男形象洗底,帶嚟唔少演藝工作機會,又投資房地產及美容生意實行搵真銀,更買入名車,喺北京同南京置業,估計身家已經過億。

溫兆倫
溫兆倫
溫兆倫
溫兆倫
溫兆倫
溫兆倫
溫兆倫
溫兆倫

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能