溫暖危機?醫生︰羽絨被或導致肺病

19+

 

天氣轉涼,唔想起身,世界又亂。

被竇係我嘅最後堡壘。

 

瞓覺達人如我,識瞓一定搵張羽絨被包住自己。

但係英國有醫生就匯報一宗俗稱「羽絨被肺病」嘅個案。

 

呢種類似肺炎嘅情況,係由於病人吸咗羽絨被羽毛被芯嘅塵埃而做成,

症狀包括乾咳、盜汗、呼吸短促等,

經常感染的話仲會令肺部組織出現結疤,影響肺功能。

 

個案主人翁43歲,氣促同咳咗3個月之後去睇醫生,

當時以為佢係呼吸道感染,但係過咗2個月後情況冇好轉,

仲令佢肺功能轉差,行或企幾分鐘就見暈,

甚至喺屋企行上樓梯返上床都要半個鐘!

 

經過多項檢查同詳盡了解生活習慣,醫生發現病人近排轉用羽絨被,

而身體對鳥類的抗體異常地高,

於是估計係患上過敏性肺炎,元兇就係張被!

病人聽從醫生建議改用其他物料嘅被鋪,當堂病情好轉,

不過都要服用類固醇半年先好返晒。

 

雖然字面上都係肺炎,但呢類並非受細菌、病毒感染所致,

而係由吸入異物引發,可以係各式各類粉塵

 

不過醫生就話,唔駛丟晒啲羽絨被住,

因為過敏性肺炎唔算常見。

但係佢提醒,如果好易氣促,就要留意係咪同張被有關,

又估計其實好多人受過感染,但暫時呢宗證實個案可能只係冰山一角。

原文傳送門

你可能還想看