演《大叔的愛》彈起 陳子豐承認妒忌過表弟余文樂

演《大叔的愛》彈起 陳子豐承認妒忌過表弟余文樂

ViuTV劇集《大叔的愛》播完3個月,唔止主角Edan(呂爵安)同Anson Lo(盧瀚霆)人氣大發,一班配角都因為套劇而多咗人識,自然多job接!

劇中飾演Anson Lo舊愛Darren嘅陳子豐就喺YAHOO TV 《Mean傾》節目承認,劇集出街後一個月內收到嘅工作報價次數,係過去幾年嘅總和,仲未計事成等收錢嘅工作喎,足以證明電視威力仍然強勁。

演《大叔的愛》彈起 陳子豐承認妒忌過表弟余文樂
演《大叔的愛》彈起 陳子豐承認妒忌過表弟余文樂

今年40歲嘅陳子豐係演藝學院戲劇學院畢業生,做咗幾年舞台劇演員之後加入Now TV做主持,同公司嘅ViuTV開台後子豐亦都有喺Viu節目做主持兼且拍劇,演出作品包括《詭探》、《暖男爸爸》及《男排女將》等等。

演《大叔的愛》彈起 陳子豐承認妒忌過表弟余文樂
演《大叔的愛》彈起 陳子豐承認妒忌過表弟余文樂

子豐嘅表弟原來係潮流男神余文樂,雖然樂仔婚後移居台灣兼大幅減產,但係論知名度點都遠勝表哥。畢竟大家都係做幕前,子豐都喺《Mean傾》自爆,試過羨慕又妒忌表弟,搞到鑽牛角尖越諗越唔開心,負面到影響自己。主持盧覓雪想知子豐有冇喺家庭聚會見到余文樂嘅時候覺得尷尬,子豐就話兩老表由細玩到大,唔會有呢啲心結,但係見到阿樂啲靚車就會特別羨慕!

演《大叔的愛》彈起 陳子豐承認妒忌過表弟余文樂
演《大叔的愛》彈起 陳子豐承認妒忌過表弟余文樂
演《大叔的愛》彈起 陳子豐承認妒忌過表弟余文樂
演《大叔的愛》彈起 陳子豐承認妒忌過表弟余文樂

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!