【最平貨品$1.5】邊啲抵邊啲唔抵馬上話你知!Donki激安之殿堂CP值高低貨品大比拼!
Don Don Donki激安之殿堂不斷擴張,已經成為港人最愛的入貨地點!但係你又買我又買,究竟大家知唔知邊啲貨品CP值高,邊啲又唔抵買?就等Yahoo著數專員馬上話你知!
Don Don Donki激安之殿堂零食篇 凡來到Donki最興奮就係行零食區,琳瑯滿目嘅零食令人花多眼亂,究竟邊啲先係寶?
在零食區,我哋嘅目光好容易就會俾呢款一億円魷魚片吸引,現時做緊8折$23.8,同樣貨品最平都要$25,幾乎係全港最抵!
這款備受喜愛的Tarami Dossari HKTV mall需要$39.9三杯,但在Donki$28就可以拎走三杯,足足相差三成!
大人同小朋友都鐘意食嘅美味棒做緊$40兩件嘅優惠,同類型係百佳都要$40一件,大件夾抵食!
Donki自家品牌的布丁有北海道牛奶、杏仁牛奶等口味,$10就可以拎走,算是Donki性價比同質素兼備嘅甜品!
呢款日清朱古力批竟然做緊$8.8優惠!HKTV mall賣緊21.9一盒,要快手搶購吧!
Donki嘅識途老馬一定會知,清貨零食架上面定期會更換不同的優惠零食,今次就有芝士夾心條同脆脆,都係好多人喜歡嘅零食。
另外靠近收銀處通常都會有一大片優惠零食,由5蚊一件到28蚊兩件都有,確保你一定會滿載而歸!
相反,這個Donki自家品牌的杏仁小魚乾幾近100蚊一包,不太抵買啊......
這款帆立貝竟然要$339.8一包,同類型貨品在HKTV mall一百蚊有找,也許只有帆立貝狂迷才會欣賞吧。
Don Don Donki激安之殿堂 飲食篇Donki提供大量飲品和即食食品給大眾選擇,究竟當中哪些是寶藏,哪些價錢令人費解?
實在太抵了,不同啲特別口味嘅杯麵只售$7.8,還有$3一包嘅出前一丁都係必掃之選,百佳都要$4.4一包架!難怪經常被搶購一空!
喜歡辣麵嘅朋友看過來,日清韓辣麵而家只售$11.8,$20仲有兩包,好多人鍾意嘅UFO冬蔭功炒麵同樣有優惠,$6.8就有交易!
Donki嘅蔬果類食物價錢一向稍為參差,但用心格價一樣可以搵到寶!呢款「無限生長」豆苗一向係蔬果部嘅招牌貨品,$12就有無限豆苗可以食,lockdown無有怕!
日本黑碟魚係日本主婦常做嘅家庭料理,先不論味道,$10/100g咁大條魚街市都未必搵到吧?
喜之次一夜干係Donki必入好物之一!只要下鍋煎10分鐘就得,又快又好食,餐廳分分鐘收幾百蚊一條架,而家仲做緊特價,$58就有交易。
咖喱屋咖喱百佳賣緊15.9一盒,但Donki只售$9.8!超級抵!
Donki包羅各式日式沙律醬,市面上相同牌子都要23.8時,Donki都會平1/2蚊,款式又多。
大家都喜愛嘅森永蘋果汁做緊特價$75兩支,相同貨品係網上都做唔到呢個價錢。
日本蛋平日係超市都要30幾一pack,呢度20頭就有交易。
極之方便又好食嘅大阪王將餃子如果買3包只需$23.2,超級市場要幾乎$40一包,價錢足足相差一倍!絕對係Donki必入嘅食物之一!
Donki嘅酒同樣係亮點,CP值極高,雖然最受歡迎嘅宇治抹茶梅酒最近缺貨,但黑糖梅酒竟然賣緊$89,超級市場就要$168,大家記住唔好走寶!
唔抵嘅貨品同樣有,切好嘅南瓜竟然要$28,不足一半嘅份量,還是買一個返去自己切比較實際。
呢款熊本熊士多啤梨$198 18粒,市面上果欄同其他網上水果店價錢都比這個優惠呢。
這大概係編輯最不解嘅貨品之一,壽司飯竟然要$90一盒,實在有點無語......
$77兩舊羊扒,驟眼睇皮都頗厚,肉相對較少,開到成巷成市嘅凍肉舖應該會有更優惠嘅選擇。
這一小包螺絲粉竟然要33.8,放在特價杯麵旁邊實在係相形失色。
角鷹威士忌Donki要$238,但其實HKTV mall $230就買到,唔好中伏!
Don Don Donki激安之殿堂 藥妝篇女士們最鍾意行嘅藥妝部又有咩好物一定要買?馬上帶你睇!
藥妝特價的貨品也有很多,這款小林製藥諾特露加濕口罩屈臣氏賣緊$34.4,但Donki做緊買一送一,足足平一倍!
每個人家中必備嘅潔手液相同牌子在網上需要$112兩支,Donki只需89.9,又贏!
潔手液是家中經常要補充嘅用品,獅王潔麗兒泡泡潔手液網上賣$17.9兩件,Donki26.9有一支再加兩包補充裝,非常抵買。
Diane護髮素全部款式都$69,比屈臣氏平10蚊!
大件又好用嘅薏仁化妝水iHerb成$80支,但係Donki做緊特價$54.5一支,用開記得入貨!
唔抵嘅藥妝都有,撒隆適孖裝$276雖然好似好抵,但其實屈臣氏買緊$242。
Don Don Donki激安之殿堂 家品類雖然係Donki唔算好突出嘅貨品種類,但其實都有抵買之選!
男裝襪$69.9 7對,平均唔駛$10一對,質素頗有保證。
日本直送電動牙刷盛惠$38,可謂全港最平嘅日本電動牙刷了吧!
三色筆兩蚊都唔洗一支,仲話唔抵?
同場加映史萊姆公仔,竟然要$418....近期大熱嘅鬼滅之刃公仔都唔需要,佢有咁多fans嘅咩?
相關文章:
【櫻桃小丸子】半價換購童話造型木頭文具公仔 首推AR濾鏡同小丸子合照
【送十萬口罩】高顏值花系口罩 香港製造+EN14683最高標準!
【會員限定】週末7折限量換超市現金券!
【自助餐優惠】3月酒店自助餐劈價推介19間 半價優惠低至$304/買二送一/預購餐券6折
【3月飲食優惠】Pizza Hut買一送一/麥當勞、KFC減$5/PRET $100/10杯咖啡(不斷更新)
【Yahoo獨家】體通天下NBA 12個月通行證 超抵價$799再免費送2個月