激發藝術細胞 馮盈盈苦學刺繡：就嚟鬥雞眼！

藝人馮盈盈平日好動健談，近日竟跑去學做「氣質女」，趁開劇前埋首鑽研刺繡，並打算將首件製成品送給馮媽媽報劬勞，相當孝順。

馮盈盈、陳庭欣、游嘉欣、傅嘉莉及謝嘉怡等，昨午現身電視城出席銀行產品活動，場面熱鬧。一向敢作敢為的盈盈為戒絕平日的雜亂思緖，透露趁未開新劇去學刺繡，目前正繡水仙花手帕，打算送給媽媽作為禮物，她笑說：「以前學校有針黹堂，不過我完全唔記得晒，所以依家要睇片去學穿針。其實刺繡布有圖案畀我跟住，但都試過刺錯晒，要拆咗從頭再嚟過，就嚟刺到鬥雞眼！」她笑言希望除針黹外也學畫畫，培養藝術細胞兼練習心靜。

游嘉欣中學開始儲姑婆本

游嘉欣天生慳妹性格，原來她由中學開始儲蓄，至今已起碼儲得6位數，問到打算用來作甚麼用途？她靦腆地說：「冇呀！淨係想儲。（打算第時用嚟結婚？）姑婆本呀！（冇人追？）你（記者）有冇好介紹？」

另外，陳庭欣成功進軍「寵物界KOL」，認識不少相關猛人，更幫《東張西望》拍檔潘梓鋒愛犬的腳傷提供協助，她開心地說：「依家都有啲朋友主動嚟求助，以前多人問雀嘅嘢，依家大家開始將重心移向犬隻，幫到人好開心。我開設相關頻道，其實係想帶出正面訊息畀大家，當然都想遲啲會建立到自己嘅品牌。」由於早前已嘗試營運寵物市集，她表示8月獲邀於機場附近再參展，又透露稍後會安排愛犬做絕育手術：「諗緊邊個帶佢去，我驚如果我帶佢去，佢會記仇呀！」