灣仔新開港日韓風一人一鍋火鍋放題 任食澳洲M6和牛肉眼 仲有海鮮盤+韓式炸雞

·2 分鐘文章

有時一大班朋友打邊爐,去到揀湯底嗰Part好易出現分歧,不過食一人一鍋就無呢個問題喇!灣仔最近新開一間任飲任食嘅樓上火鍋店,主打一人一鍋,港式、日式及韓式嘅湯底及食物都有得揀,咁就啱晒唔同人嘅口味!價錢方面就分三個等級,最平$218就可以任食120分鐘,想食好啲可以揀澳洲M6和牛肉眼放題套餐,性價比好高~

任飲任食嘅樓上火鍋店
任飲任食嘅樓上火鍋店

最平嘅特級雪花牛板腱放題套餐已經包一份小食便當、韓式炸雞或麻辣雞煲、直送海鮮各一份、以及任食雪花牛板腱、日本豚肉同60款火鍋配料;再上一級就多埋刺身拼盤同任食極上安格斯牛小排同日本黑毛豬腩肉;至於牛魔王,點都要試澳洲M6和牛肉眼放題套餐,有得任食澳洲M6和牛肉眼外,仲有埋頂級黑牛肩脊!

澳洲M6和牛肉眼放題套餐
澳洲M6和牛肉眼放題套餐

一開始先會上小食便當,包括支豆、串燒、鹹蛋魚皮及小蕃薯,等大家墊下胃先~另外當然唔少得放題必有嘅日式刺身。跟住就可以喺韓式炸雞及麻辣雞煲中二選一,睇吓大家鍾意韓式風味定港式味道喇。

小食便當、日式刺身
小食便當、日式刺身
韓式炸雞及麻辣雞煲中二選一
韓式炸雞及麻辣雞煲中二選一

最抵係每人都會有一份海鮮送!包括鮑魚、扇貝、大蝦、大蜆及斑片,款款都咁新鮮。

海鮮
海鮮

澳洲M6和牛肉眼,和牛肉質軟腍,有入口即溶感覺,任食嚟講呢款牛真係好高質素。

澳洲M6和牛肉眼
澳洲M6和牛肉眼

頂級黑牛肩脊(左)相對就牛味重啲,而極上安格斯牛小排一樣入口軟腍,油花分佈都好均勻。

頂級黑牛肩脊(左);極上安格斯牛小排(右)
頂級黑牛肩脊(左);極上安格斯牛小排(右)

湯底方面一共就有五款湯底揀,美顏花膠鍋湯底清甜,最食到食材原味,而且仲有大大件花膠!日式北海道牛乳鍋牛乳味香濃,而重口味人士就啱呢個韓式泡菜鍋,香辣惹味。另外仲有麻辣鍋同清淡啲嘅日式海帶豆腐鍋揀~

共就有五款湯底揀
共就有五款湯底揀
美顏花膠鍋湯底
美顏花膠鍋湯底
最想吃 
最想吃

最想吃
地址: 灣仔灣仔道83號3樓