疫情緩和，餐廳東主們埋單計計，過去一年，蝕少已經當贏。但疫市總有奇葩，灣仔駱克道已開業5年的漢堡包店Burger Joys，創辦人Manu Lee 自覺是個幸運兒，因為疫情由年頭發展至今，餐廳生意從未因此錄得虧損，只是利潤下滑。箇中原因，竟然是靠每晚零晨至第二朝清晨時段的外賣生意搭救。

【立即讚好】全新 Yahoo Food Facebook 專頁

秘密在於 清晨時段

訪問之始，老闆Manu先說清楚：「疫市期間生意係有下跌，但我哋好彩，暫時無蝕。」Manu中學後就卦美升學，是半個番書仔，不賣關子，單刀直入說究竟：「疫市時灣仔店的生意額是其它兩間分店的總和，事實上由疫情開始，大家都留家抗疫，灣仔舖的生意額一直上升，沒錯堂食是大幅下跌，但外賣升幅很大。特別是每晚12點至清晨6點的時段，外賣app的訂單升幅很多。因為凌晨時份的酒吧街附近根本無其它餐廳營業，我哋近乎係獨市，而其實灣仔有唔少街坊，個需求無無因為疫情而下降。」

為外賣而設的漢堡包

聽上去，是運氣嗎？也不盡然，因為Manu在5年前創辦漢堡包店時，已經看中漢堡包店的市場，一心想打造take away shop，餐廳配置也一直以此為標準，甚至早在疫市未襲港前，漢堡包店一直有開凌晨時段。

「唔少人喺附近飲完酒，肚餓，就入嚟買個包填肚。」Manu說例如漢堡包的size，不會一味標榜夠大，肉扒也不是厚厚一塊，都是因為外賣漢堡包需要輕便易食。又例如漢堡包上下兩塊麵包，刻意設計成「下半」比「上半」大及厚身，以承載更多肉汁及水份，而包身不會變腍，令外賣時更能保持漢堡包的新鮮度。

找高人 做包身

當然不得不提漢堡包本身的質素，肉扒由店自製，用USDA 美國優質黑安格斯牛肩胛肉，肥：瘦比例是2：8，平衡牛香及肉質，煎香時一邊按壓，只加少少黑椒及鹽調味帶出肉香。他們的麵包是法式的Brioche Bun，是Manu專門邀請美國大廚朋友幫手設計食譜，再以高價購買，當中的成份比例是秘密，但包身明顯比坊間的鬆身及富彈性。

口味方面走傳統路線，只設6款像魚柳、雜菌蘑菇芝士、雞肉漢堡，Manu解說「好似美國小餐館一樣，餐牌唔會有大轉變，因為客人就係為咗你生招牌而搵你，佢哋就係想每次都食到同一個味道。」

全新訂座平台「Yahoo訂餐廳×Openrice」正式上線！

>>立即按此了解更多香港各區餐廳訂座優惠<<

Burger Joys

地址：灣仔駱克道42-50號君悅居地下E舖(地圖按此)

電話：2787 1288

今晚食乜好？即睇最強雞翼食譜、牛油果食譜合集

食乜養生好？二十四節氣：中醫教路/湯水進補/穴位養生

自助餐推介！睇盡各種自助餐優惠/回本攻略

想知最新飲食資訊？按此觀看Yahoo Food編輯推介

更多灣仔美食推介

【灣仔美食】$298高質牛扒餐 薯條任食/自製麵包

【灣仔美食】全城最好刀拍叉燒！每日限量二十條

【灣仔美食】香港書展灣仔美食推介10間！全球50大漢堡店/$20牛角包/日式蛋包飯

【灣仔美食】藍帶廚藝兄弟做手工牛角包！靠食客支持起死回生

【灣仔美食】米芝蓮一星中菜廳明閣開分店！名廚回歸 $198食3道菜商務午餐

【灣仔美食】日式燒肉Omakase！備長炭燒牛肉全餐

St Regis首開業兩間餐廳即奪米芝蓮！中菜廳潤+法餐廳L'Envol齊摘一星

【灣仔美食】午餐必食推介5間：新景園咖喱豬扒飯+米芝蓮越南牛河+正宗喇沙

【今晚食乜好】唔知今晚食乜餸？立即去Yahoo Food 食譜專頁搵靈感