炎明熹孭新書包有靈異事件:後面一直有人扯住我…

·2 分鐘文章
炎明熹孭新書包有靈異事件:後面一直有人扯住我…
炎明熹孭新書包有靈異事件:後面一直有人扯住我…

《聲夢傳奇》三料冠軍、16歲嘅炎明熹(Gigi)有幾可愛,睇佢點講個書包就會知道。之前佢喺社交網分享佢個用到爛嘅舊書包「小紅」終於「畢業」,所以換咗個新書包叫「小紅紅」,點知用咗一陣就發生靈異事,令佢好驚驚呀,Gigi口窒窒咁話:「我唔知係咪應該講係慣定唔慣,我孭完之後,硬係覺得後面有人扯我囉,但我一望去後面又冇人喎,小紅(舊書包)後面係有啲交叉繩,有啲彈力嘅,我唔知點解呢個書包冇彈力,但好似有人扯住小小紅條繩咁,好恐怖囉成件事,我唔知點解呀?」

呢個「小紅」已經退役…
呢個「小紅」已經退役…
點知個新書包就有啲出事!
點知個新書包就有啲出事!
炎明熹話成日都覺得有人扯住佢書包,但係一轉身就冇人。
炎明熹話成日都覺得有人扯住佢書包,但係一轉身就冇人。

不過Gigi唔使驚因為有粉絲錫番,佢又話最近收到粉絲一份好有意思又實用又可以保障身體健康嘅恩物,就係印有佢個名嘅專屬口罩,佢話:「呢個口罩係粉絲設計師幫我整嘅,大家可以仔細睇吓呢個『炎』字,呢個『炎』字唔係普通嘅『炎』字,係有『Gigi』嘅『炎』字,呢個表現咗啲咩呢?就係表現咗大家眼界要睇多啲嘢,呢樣嘢可能係好細微嘅嘢,之後原來發現當中有個『Gigi』喺度嘅。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能