炎明熹改名催運搵番團「火」

·1 分鐘文章
炎明熹(左)與鍾柔美因參加《聲夢》而人氣急升。
炎明熹(左)與鍾柔美因參加《聲夢》而人氣急升。

李克勤與《聲夢傳奇》學員經歷過不少比賽期間的高山低谷,由幫他們揀歌、教唱歌及舞台上的技巧到心理輔導,這位「奶爸」可謂花盡全力,亦早已成為眾參賽者的精神支柱,彼此感情相當要好。

《聲夢》推出至今,一向好評如潮,節目仍未完結,但一班學員已經工作多多,炎明熹、鍾柔美、林智樂前晚與JW、吳業坤出席中國移動香港「共享新未來」啟動禮暨音樂會。炎明熹早前被揭是藝名,原名叫王佳恩,問到藝名可有含意?她說:「以前個名比較普通,唱歌老師幫我搵咗個師傅幫我改名,話我欠火所以改咗呢個名。(改名後順利咗?)我覺得有嘅,心理上都有幫助。」

性感打扮的JW「中門大開」,相當養眼!吳業坤忍不住笑說:「我喺日本返嚟之後都係第一次見你,都諗係咪特登咁着迎接我呢?」JW笑說:「梗係唔係啦!你諗多咗喇!」吳業坤被問到是不是轉了口味喜歡小妹妹姚焯菲?他笑說:「JW都有咁講,我都諗緊比賽仲有冇機會合唱。」JW即落閘笑說:「冇搵你呀!冇機會喇!」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能