炎明熹棄招牌眉上齊蔭變性感火辣 網民讚有女神feel:靚過「國民初戀」

炎明熹棄招牌眉上齊蔭變性感火辣 網民讚有女神feel:靚過Chantel
炎明熹棄招牌眉上齊蔭變性感火辣 網民讚有女神feel:靚過Chantel

炎明熹(Gigi)憑TVB歌唱選秀節目《聲夢傳奇》成功彈起,首支派台作品《真話的清高》成績驕人,榮獲新城電台及叱咤女新人獎項,更與姚焯菲(Chantel)、詹天文(Windy)及鍾柔美(Yumi)組成After Class;早前亦推出第一首個人國語歌《複雜》,歌藝了得之外,最令人印象深刻嘅必定係佢個眉上齊瀏海。不過近日炎明熹一改形象,意外得到網民大讚好睇,甚至話佢靚過有「國民初戀」之稱嘅姚焯菲。

炎明熹喺IG分享新造型照,捨棄標誌齊蔭,將頭髮中間分界同時扎起馬尾,搭配比平日濃嘅妝容,又穿上吊帶小背心將苗條身段呈現,散發陣陣小性感,與平日「火星女生」清純形象大為不同;大批網民留言激讚炎明熹,直言認佢唔到,又指呢個先係王佳恩(炎明熹本名):「誰家的孩子呀」、「王佳恩系列,咁靚女會比炎明熹發現架」、「呢個係王佳恩!一樣咁cool咁靚!」、「點解你咁有型嘅」、「咁火辣得唔得㗎」、「喜歡不同形象的Gi」、「真女神,仲靚過Chantel」等等。

同樣來自《聲夢傳奇》嘅文凱婷(Aeren)亦有留言大讚炎明熹:「Oh my god…天生明星相」,不過勢估唔到有網民留言取笑文凱婷雙眼距離遠:「點似你左眼去右眼要坐120蚊uber」,令支持文凱婷嘅粉絲留言反擊,惹嚟一場粉絲們罵戰。

炎明熹
炎明熹
炎明熹
炎明熹
炎明熹
炎明熹
炎明熹
炎明熹
炎明熹
炎明熹

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!