炎明熹處女作《真話的清高》本月20日推出 歌迷預祝橫掃四台新人金獎

·2 分鐘文章
炎明熹
炎明熹

16歲嘅炎明熹(Gigi)喺TVB歌唱選秀節目《聲夢傳奇》成為三料冠軍,不過出席活動都係翻唱其他歌手嘅歌,反觀姚焯菲(Chantel)、鍾柔美(Yumi)及詹天文(Windy)已推出《多啦A夢》片頭曲《夢》及兒童節目《Hands Up》同名主題曲。早兩日星夢娛樂就喺Facebook官方專頁宣布Gigi首支個人單曲 《真話的清高》 即將推出,去到今日星夢娛樂就宣布《真話的清高》將於今個月20日推出。

早前推出嘅預告片僅有15秒,而且為黑白色調,除咗寫上歌名及「愛和謊言能並存嗎?」,就連副歌,甚至純音樂都無,而今日星夢娛樂就上載咗一條13秒嘅《真話的清高》MV Teaser,片段除咗有少少音樂之外,仲有Gigi嘅出現。一班歌迷喺星夢娛樂FB帖文及單曲預告片下留言表示超級期待:「仲以為終於等到Gigi的單曲,點知(但至少都知道了歌名),好令人期待,快D出啦。」、「好耐無試過咁期待去等一首新歌」、「好吊癮又好期待呀~~~~~Gigi, 好想快啲聽到妳首新派台歌」、「好心急想欣賞Gigi歷史性個人歌曲」、「終於有小小音樂聽,感覺好好聽,每次都出小小甘(咁)吊癮,越神秘就越期待啊」及「千呼萬喚,熱切期待Gigi首支個人單曲,好快大家又要loop歌啦」等等,有歌迷仲話要預祝佢橫掃四台新人金獎。

《真話的清高》MV Teaser 截圖
《真話的清高》MV Teaser 截圖
《真話的清高》MV Teaser 截圖
《真話的清高》MV Teaser 截圖
炎明熹
炎明熹
炎明熹
炎明熹
炎明熹
炎明熹
炎明熹
炎明熹
炎明熹
炎明熹
炎明熹
炎明熹

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能