炎明熹讚師兄窩心

胡鴻鈞為炎明熹伴奏兼合唱,贏盡掌聲。
胡鴻鈞為炎明熹伴奏兼合唱,贏盡掌聲。

前晚為胡鴻鈞演唱會任嘉賓的炎明熹(Gigi),昨日在將軍澳The LOHAS出席活動。早前因體力不支而跌倒的她,透露現正調理中:「中、西醫都睇緊,醫生話我係壓力加感冒菌影響。(好大壓力?工作定學業?)我諗兩樣都有,試過失眠,搵緊方法解決。(要求減輕工作?)暫時掌握到,想攞多啲經驗。」

談到首次做演唱會嘉賓,她事前提醒自己不要緊張:「同佢(胡鴻鈞)夾得好開心,佢好照顧我,係好窩心嘅師兄。之前我唔舒服,佢都有慰問我,以前出活動,有佢喺隔籬都會安心。」問目標幾時於紅館開騷?她說:「係有呢個目標,順其自然啦!」

炎明熹昨日到商場出席活動,吸引大批Fans支持。
炎明熹昨日到商場出席活動,吸引大批Fans支持。