為動物園提供殺人鯨 俄國「鯨魚監獄」正式拆除
一直以來飼養殺人鯨都被視為極不人道嘅行為,因為殺人鯨擁有極高智商,會因為被囚禁而覺得唔開心,而且一向係群體生物,被單獨飼養會覺得非常孤獨甚至做出自殘行為。
位於俄羅斯斯雷德尼亞灣就有一座惡名昭彰嘅「鯨魚監獄」,於2018年時就有足足近100條殺人鯨及白鯨被圈養於此,一個非常狹小嘅空間就養咗足足十多條鯨魚,生存條件極為惡劣。鯨魚監獄係自家繁殖場,專門繁殖鯨魚賣去世界各地嘅動物園、水族館或主題樂園,甚至供私人飼養作「寵物」之用。2019年時已經有環保組織抗議,成功令部分鯨魚被放生。日前呢個監獄就正式被拆除,鯨魚被放生或送到救援組織。不過原來俄國類似嘅監獄仲有好多,只不過係隱藏得好未被人發現呢。
___________________
按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!
___________________
相關文章: