為咗報仇去到咁盡?Youtuber娶老友74歲阿媽

19+

 

呢期好多關於「阿媽」嘅金句,咁就整單同「阿媽」有關嘅新聞你睇下。

 

有1200萬人follow嘅外國youtuber David Dobrik,

因為被個老友Jason Nash拍片寸佢「你唔會有前妻,因為根本冇人肯嫁俾你」,

為咗整蠱兼報復,佢堅係結一次婚。

 

而David嘅新娘,係Jason個阿媽,名符其實「娶你阿媽」。

 

David好快手,見到個friend寸佢嘅留言3個鐘之後,

立即飛去波士頓向Jason媽咪Lorraine求婚!

而74歲嘅Lorraine都好玩得,一來覺得件事好玩,

仲可以睇吓Jason得知老友變老豆,個樣可以有幾難睇。

呢對「新人」好快就飛去閃婚勝地拉斯維加斯註冊,

仲順手度埋蜜月。

之後佢地返去洛杉磯,David向Jason公布喜訊,

拎埋結婚証書,正式成為老友個老豆。

 

Jason 只可以講「歡迎加入我地呢個家庭」,哈哈。

 

咁當然你都估到,一個月後,David同Lorraine發現「性格不合」,

於是要離婚啦,仲寫咗一大堆理由同傷感嘅文字。

 

結果Jason真係求仁得仁,而家David有前妻嘞,

都唔知恭唔恭喜你好。

原文傳送門

你可能還想看