為救40難民 女船長強行泊岸 隨時坐10年監

 

為咗其他人嘅生命,隨時坐10年監,要有幾大勇氣先做得出?   德國非政府救援組織「海洋觀察」(Sea-Watch)嘅船隻「海上觀察3號」(Sea-Watch 3),喺非洲利比亞外海一艘難民船度救出53人。德國籍女船長拉奎特喺海上向歐洲多個國家求助,足足2個半禮拜都冇人肯幫手。   拉奎特為咗難民安全,趁住夜晚時份,將船駛到意大利南部蘭佩杜薩島(Lampedusa)嘅港口。   船上其中13人因為健康問題,被獲准進入意大利接受治療。其餘40人就得到5個國家接收。   但係身為船長嘅拉奎特,因為「闖關」過程同意大利警方船隻有碰撞,被當地警方以「反抗軍艦」罪名拘捕,一旦罪成最高可判10年監禁。   拉奎特所屬組織嘅主席冇割蓆,認同佢嘅做法,認為係維護海洋法規。 有作家甚至認為,拉奎特值得提名諾貝爾和平獎!原文傳送門

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能