「烈女」吳若希騷陳年Yes卡 男友「瞓牀」扮Q放閃

和情人深深一吻來代替講話Wow~Oh

【星島日報報道】吳若希(Jinny)4月誕下B女淼淼,孖有米男友Alex Ho不時出出入入,而且在中意上網嘅Jinny不時在網上跟反對者舌戰,可謂娛圈界的惹火人物兼烈女! 「烈女」Jinny不時受到網民指指點點,一時又說釣金龜一時又話公廁,不過好在Jinny心情無受影響,男友仔更不時出面護花。好似今次咁,Jinny玩社交媒體直播讀粉絲來信,途中Jinny竟然大騷香閨,將鏡頭突然轉向「牀上的男人」﹐原來係Alex Ho躺在牀上捧面扮可愛,真係十分恩愛!吳若希在讀粉絲來信,更有粉絲送上多年前的Yes卡,她看見後也不禁驚嘆「回不了的過去」、「我嗰時真係好瘦」,粉絲又要求索取簽名,又希望可以為正在溫書的粉絲打打氣,Jinny照單全收,不過途中就撈亂咗幾個粉絲嘅相,不改失暈魚萌樣。 不過最唔話得係Alex Ho,知道Jinny中意玩直播參與埋一份,一時躺在牀上扮可愛,後來Jinny問他「你係咪想上鏡呀?」怕醜仔咁嘅Alex一邊走近鏡頭,欲拒還迎咁走到鏡頭,配合晒Jinny左左右右令佢塊臉顯得細啲,後來對鏡頭笑一笑後,就突襲公開錫咗Jinny面珠仔一下閃走,鐵漢柔情。

睇更多